ရှေ့တန်းရောက် တပ်မတော်သားများနှင့် လုံခြုံရေးတပ်ဖွဲ့ဝင်များအတွက် ဧရာဝတီတိုင်းဒေသကြီးအစိုးရအဖွဲ့က စားသောက်ဖွယ်ရာများလှူဒါန်း

ရှေ့တန်းရောက် တပ်မတော်သားများနှင့် လုံခြုံရေးတပ်ဖွဲ့ဝင်များအတွက် ဧရာဝတီတိုင်းဒေသကြီးအစိုးရအဖွဲ့က စားသောက်ဖွယ်ရာများလှူဒါန်း

ပုသိမ်          ဩဂုတ်        ၆

နိုင်ငံတော်ကာကွယ်ရေးနှင့် လုံခြုံရေးတာဝန်များကို စွန့်လွှတ်စွန့်စားလိုစိတ်ထက်သန်စွာဖြင့် စွမ်းစွမ်းတမံထမ်းဆောင်နေကြသည့်ရှေ့တန်းရောက် တပ်မတော်သားများနှင့် လုံခြုံရေးတပ်ဖွဲ့ဝင်များအတွက် ဧရာဝတီတိုင်းဒေသကြီးအစိုးရအဖွဲ့၊ ဌာနဆိုင်ရာများ စေတနာရှင်အလှူရှင်ပြည်သူများနှင့် ဝန်ကြီးဌာနအလိုက် ဌာနဆိုင်ရာများက အလှူငွေများနှင့် စားသောက်ဖွယ်ရာများကို ပေးပို့လှူဒါန်းလျက်ရှိသည်။

ထိုသို့ နိုင်ငံတော်ကာကွယ်ရေး တာဝန်များကို ထမ်းဆောင်နေကြသည့် ရှေ့တန်းရောက်တပ်မတော်သားများနှင့် လုံခြုံရေးတပ်ဖွဲ့ဝင်များအတွက်  ယနေ့နံနက်ပိုင်းတွင် တိုင်းဒေသကြီးအစိုးရအဖွဲ့မှ လှူဒါန်းပေးပို့မည့် စားသောက်ဖွယ်ရာများကို ပုသိမ်မြို့၊ ဧရာရွှေဝါခန်းမတွင် ချက်ပြုတ်ပြင်ဆင်ထုတ်ပိုးနေမှု များကို တိုင်းဒေသကြီးအစိုးရအဖွဲ့ဝန်ကြီးချုပ်သည် တာဝန်ရှိသူများနှင့်အတူသွားရောက် ကြည့်ရှုအားပေးခဲ့သည်။

ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် အမျိုးသမီးရေးရာအဖွဲ့မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့များက  စေတနာ၊ မေတ္တာအပြည့်ဖြင့် စုပေါင်းချက်ပြုတ် ကြော်လှော်နေမှုများ၊ အကြော်အလှော်များအားအအေးခံခြင်း၊ ထိုအကြော်အလှော်များနှင့် ခရိုင်များမှပေးပို့လှူဒါန်းသည့် စားသောက်ဖွယ်ရာများအား နိုင်ငံတော်ကာကွယ်ရေး တာဝန်များကို ထမ်းဆောင်နေကြသည့် ရှေ့တန်းရောက် တပ်မတော်သားများနှင့် လုံခြုံရေးတပ်ဖွဲ့ဝင်းများအတွက်ပေးပို့လှူဒါန်းနိုင်ရေး ပြင်ဆင်ဆောင်ရွက်၍ အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့များ၊ အထွေထွေအုပ်ချုပ်ရေးဦးစီးဌာန၊ မီးသတ်ဦးစီးဌာန၊ စည်ပင်သာယာရေးအဖွဲ့များစသည့်ဌာနဆိုင်ရာများကိုယ်တိုင် စိတ်အားထက်သန်စွာဖြင့် အထုတ်ငယ်များစနစ်တကျထုပ်ပိုးခြင်း၊   ရေလုံဖော့ပုံးများသို့ထည့်သွင်းခြင်း၊ ထုပ်ပိုးခြင်းနေမှုများကို လှည့်လည်ကြည့်ရှု အားပေးခဲ့သည်။

ထို့နောက် တိုင်းဒေသကြီးဝန်ကြီးချုပ်သည် စားသောက်ဖွယ်ရာများအား တာဝန်ရှိသူများထံသို့ ပေးအပ်လှူဒါန်းခဲ့ပြီး နယ်မြေခံ တပ်ရင်းတပ်ဖွဲ့များ၊ အထွေထွေအုပ်ချပ်ရေးဦးစီးဌာန၊ မီးသတ်ဦးစီးဌာနစသည့် ဌာနဆိုင်ရာများက စားသောက်ဖွယ်ရာများအား ပို့ဆောင်မည့်ကားများ ပေါ်သို့ စနစ်တကျတင်ဆောင်နေမှုများကို ဆက်လက်ကြည့်ရှုအားပေးခဲ့သည်။ နိုင်ငံတော်ကာကွယ်ရေးနှင့် လုံခြုံရေးတာဝန်များကို စွန့်လွှတ်စွန့်စားလိုစိတ်ထက်သန်စွာ ဖြင့် စွမ်းစွမ်းတမံ ထမ်းဆောင်နေကြသည့်ရှေ့တန်းရောက် တပ်မတော်သားများနှင့် လုံခြုံရေးတပ်ဖွဲ့ဝင်များအတွက် တိုင်းဒေသကြီးအစိုးရအဖွဲ့နှင့် ခရိုင်များမှ ကျပ်သိန်း(၂၇၀)ကျော်တန်ဖိုးရှိ ငါးပိကြော်၊ ငံပြာရည်ကြော်၊ ငါးနီတူခြောက်ကြော်စသည့်စားသောက်ဖွယ်ရာများကို မေတ္တာဖြင့်ပေးပို့လှူဒါန်းခဲ့ကြောင်းသိရသည်။