ဧရာဝတီတိုင်းဒေသကြီးဝန်ကြီးချုပ် ဦးတင်​မောင်ဝင်း  စုပေါင်းသန့်ရှင်းရေးဆောင်ရွက်နေမှုများကိုကြည့်ရှုအားပေး၊ စိုက်ပျိုးမွေးမြူရေးလုပ်ငန်းများကြည့်ရှုစစ်ဆေး

ဧရာဝတီတိုင်းဒေသကြီးဝန်ကြီးချုပ် ဦးတင်​မောင်ဝင်း  စုပေါင်းသန့်ရှင်းရေးဆောင်ရွက်နေမှုများကိုကြည့်ရှုအားပေး၊ စိုက်ပျိုးမွေးမြူရေးလုပ်ငန်းများကြည့်ရှုစစ်ဆေး

ပုသိမ်          ဖေဖော်ဝါရီ        ၁

ဧရာဝတီတိုင်းဒေသကြီးအတွင်းရှိ တိုင်း၊ ခရိုင်၊ မြို့နယ်(၂၆)မြို့နယ်နှင့် ရပ်ကွက်၊ ကျေးရွာများ သန့်ရှင်းသာယာလှပ​ရေး၊ ဘုရား​စေတီပုထိုးများ၊ ဘုန်း​တော်ကြီး​ကျောင်းများ၊ စာသင်​ကျောင်းများ၊ ​ဆေးရုံများနှင့် လမ်း​ဘေးဝဲယာများတွင် အိမ်၊ လမ်း၊ ရွာ၊ ​ကျောင်း သန့်ရှင်းသာယာလှပရေးအတွက် တပ်ရင်းတပ်ဖွဲ့များ၊ ဌာနဆိုင်ရာများ၊ ဒေသခံပြည်သူများမှ အပတ်စဉ်စနေ့နေ့တိုင်း စုပေါင်းသန့်ရှင်းရေးကိုဆောင်ရွက်လျက်ရှိရာ တိုင်းဒေသကြီးဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ  စုပေါင်းသန့်ရှင်းရေး ဆောင်ရွက်နေမှုများကို လှည့်လည်ကြည့်ရှုအားပေးခဲ့သည်။ 

ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊   လေးကျွန်းရန်အောင်ဖောင်တော်ဦးစေတီတော်မြတ်ကြီး ပရဝဏ်အတွင်း ဌာနဆိုင်ရာများနှင့် ပြည်သူများစုပေါင်းသန့်ရှင်းရေး ဆောင်ရွက်နေမှုများကို  လှည့်လည်ကြည့်ရှုအားပေးခဲ့ပြီး  သန့်ရှင်းရေး လုပ်ငန်းများအား အပတ်စဉ်သာမကနေ့စဉ်ဆောင်ရွက်ကြရန်၊ ဘုရား၊ စေတီ၊ ပုထိုးများအား ကြည်ညိုဖွယ်ရာဖြစ်စေရေး၊ ရောင်ခြည်တော်ဖွင့်ခြင်း၊ ရေသပ္ပါယ်ခြင်းနှင့်သန့်ရှင်းသာယာမှုရှိစေရေး၊ ဘုရားဖူးလာရောက်သူများအားစိတ်အေးချမ်းသာယာမှုရှိစေရေး ဆောင်ရွက်ထားရှိရန်၊ ပတ်ဝန်းကျင်စိမ်းလန်းစိုပြေမှုရှိစေရေးမြတ်များစနစ်တကျစိုက်ပျိုခြင်း၊ ရေလောင်းပေးခြင်းများဆောင်ရွက်ရန်ရေစီးရေလာကောင်းမွန်စေရေး၊  သစ်ပင်သစ်ကိုင်းများအား ခုတ်ထွင်ရှင်းလင်းရေး၊ ပြည်သူလူထု အပန်း​ဖြေ​နေရာများ၊ ပန်းခြံများ သန့်ရှင်းသပ်မှုရှိ​စေ​ရေး၊ ပန်းပေါင်းဝေဆာပြီး မြို့အင်္ဂါရပ်နှင့်အညီ စိမ်းလန်းစို​ပြေ သန့်ရှင်းသာယာလှပရေး၊ အမှိုက်များအားစနစ်တကျစွန့်ပစ်စေရေးနှင့် ပြည်သူများပူးပေါင်း ပါဝင်စေရေးမှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်သည် မြောင်းမြမြို့၊ အမှတ်(၅)ရပ်ကွက်ရှိ စကြာသီဟ စကြာနန္ဒစေတီတော်မြတ်ကြီးအား ပန်း၊ ရေချမ်း၊ ဆီမီးများ ကပ်လှူပူဇော်၍ စုပေါင်းသန့်ရှင်းဆောင်ရွက်နေမှုများကို ကြည့်ရှုအားပေးခဲ့ပြီး သာသနိကအဆောက်အဦများ ရေရှည်တည်တံ့စေရေး ဝိုင်းဝန်းသိမ်းစောင့်ရှောက်နှင့် စုပေါင်းသန့်ရှင်းရေးလုပ်ငန်းများအား အပတ်စဉ်သာမကနေ့စဉ်ဆောင်ရွက်ကြရန်မှာကြားခဲ့ကာ စေတီတော်မြတ်ကြီး၏ ဂေါပကအဖွဲ့ထံသို့ အလှူငွေများပေးအပ်လှူဒါန်းခဲ့သည်။ ဧရာဝတီတိုင်းဒေသကြီးအတွင်းရှိ မြို့နယ်(၂၆)မြို့နယ်နှင့် ရပ်ကွက်၊ ကျေးရွာများတွင်လည်း တပ်ရင်းတပ်ဖွဲ့များ၊ ဌာနဆိုင်ရာများ၊ ဒေသခံပြည်သူများစု​ပေါင်း၍ အိမ်၊ လမ်း၊ ရွာ၊ ​ကျောင်းသန့်ရှင်း​စေ​ရေး၊ ပတ်ဝန်းကျင်စိမ်းလန်းစို​ပြေ​စေ​ရေးနှင့် သန့်ရှင်းသာယာလှပ​စေ​ရေး ဆောင်ရွက်လျက်ရှိကြောင်း သိရသည်။ 

ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မြောင်းမြမြို့နယ်၊  ကံကြီးကျေးရွာရှိ တောင်သူဦးမိုးဝင်း၏ စိုက်ဧက(၅)ဧကတွင် စိုက်ပျိုးထားသည့် Super Sun-41 နေကြာစိုက်ခင်း၊ အိမ်မဲမြို့နယ်၊ ဝဲကြီးဝကျေးရွာ တောင်သူဦးကျော်ကျာ်ဦး၏ စိုက်ဧက(၂)ဧကတွင် စိုက်ပျိုးထားသည့် Super Sun-41 နေကြာ စိုက်ခင်း၊ ဝါးခယ်မမြို့နယ်၊ ရေလိန်ကျေးရွာရှိ တောင်သူဦးဝင်းမောင်နှင့် ဦးမျိုးသန့်တို့၏ မြေပဲစိုက်ဧက (၁၀) ဧကစိုက်ခင်းနှင့် ကြာဖြူကျေးရွာရှိ တောင်သူဦးဝင်းဗိုလ်၏ စိုက်ဧကတွင် ဆီထွက်သီးနှံ(နေကြာ) (Super Sun- 41) နေကြာ (၉)ဧက၊ ဆင်းရွှေကြာ-၂ (၁)ဧက စိုက်ခင်း အောင်မြင်ဖြစ်ထွန်းနေမှုများကို ကြည့်ရှုအားပေးခဲ့ပြီး တောင်သူများနှင်တွေ့ဆုံ၍ ယခင်နှစ်စိုက်ပျိုးမှု၊ အပင်ဖြစ်ထွန်းမှု၊ အပွင့်အောင်မြင်မှု၊ ဆီကြိတ်ခွဲရရှိမှုအဆခြအနေများနှင့် ယခုနှစ်စိုက်ခင်းများ၏ ဖြစ်ထွန်းအောင်မြင်မှုအခြေအနေများအား ဆွေးနွေးမေးမြန်းခဲ့ပြီး ပိုမိုဖြစ်ထွန်းအောင်မြင်စေရေး၊ ပိုးမွှားအန္တရာယ်မကျရောက်စေရေး၊ ဝတ်မှုန်ကူးခြင်းများအတွက် ပျားပုံးများထားရှိမှု၊ ရေ၊ မြေဩဇာအချိန်ကိုက် ထည့်သွင်းအသုံးပြုနိုင်ရေးတို့ကို မှာကြားခဲ့သည်။