ဧရာဝတီတိုင်းဒေသကြီးဝန်ကြီးချုပ် ရွေးကောက်ပွဲနှိုးဆော်အသိပညာပေးဆိုင်ရာမြေစိုက်ပိုစကာ(Billboard) စိုက်ထူခြင်းအခမ်းအနားတက်ရောက်

ဧရာဝတီတိုင်းဒေသကြီးဝန်ကြီးချုပ် ရွေးကောက်ပွဲနှိုးဆော်အသိပညာပေးဆိုင်ရာမြေစိုက်ပိုစကာ(Billboard) စိုက်ထူခြင်းအခမ်းအနားတက်ရောက်

ပုသိမ်         အောက်တိုဘာ        ၇

၂၀၂၅ ခုနှစ်၊ ဒီဇင်ဘာလ (၂၈)ရက်နေ့တွင် ပါတီစုံဒီမိုကရေစီ အထွေထွေရွေးကောက်ပွဲကို ပြုလုပ်ဆောင်ရွက်သွားမည်ဖြစ်ရာ  ပြည်သူများအနေဖြင့် နိုင်ငံသားတစ်ဦး၏ အခွင့်အရေးဖြစ်သော ဆန္ဒမဲပေးနိုင်စေရေးအတွက် ရွေးကောက်ပွဲနှိုးဆော် အသိပညာပေးဆိုင်ရာ မြေစိုက်ပိုစကာ( Billboard ) စိုက်ထူခြင်းအခမ်းအနားကို ယနေ့နံနက်ပိုင်းက ပုသိမ်မြို့၊ မြို့တော်ခန်းမရှေ့တွင်ပြုလုပ်ခဲ့ရာ တိုင်းဒေသကြီးဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ တက်ရောက်ခဲ့သည်။

ဦးစွာ ရွေးကောက်ပွဲနှိုးဆော် အသိပညာပေးဆိုင်ရာ မြေစိုက် ပိုစတာ( Billboard ) အား တိုင်းဒေသကြီး ဝန်ကြီးချုပ်ဦးတင်မောင်ဝင်း၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးခန့်မွန်ဆွေနှင့် ရောဝတီတိုင်းကော်မရှင်အဖွဲ့ခွဲ ဥက္ကဋ္ဌ ဦးလှမိုးတို့ကဖဲကြိုးဖြတ်ဖွင့်လှစ်ပေးပြီး ရွေးကောက်ပွဲ နှိုးဆော် အသိပညာပေးဆိုင်ရာမြေစိုက်ပိုစတာ( Billboard )အား တိုင်းဒေသကြီးဝန်ကြီးချုပ်သည် တာဝန်ရှိသူများနှင့်အတူ အမွှေးနံ့သာရည်များ ဆက်လက်ပက်ဖျန်း‌ပေးကာ စုပေါင်းမှတ်တမ်းဓါတ်ပုံ ရိုက်ကူးခဲ့ကြသည်။ အဆိုပါ မြေစိုက်ပိုစတာ( Billboard )တွင် ၂ဝ၂၅ ခုနှစ်၊ ပါတီစုံဒီမိုကရေစီအထွေထွေရွေးကောက်ပွဲ “နိုင်ငံသားအခွင့်အရေးမဆုံးရှုံးဖို့ မဲပေးကြပါစို့”ဟုဖော်ပြထားသည်။