ဧရာဝတီတိုင်းဒေသကြီး၊ ညောင်တုန်းမြို့နယ်၌ လမ်းလျှောက်နေသည့် အမျိုးသမီး တစ်ဦးအား မော်တော်ယာဉ်မှ ဝင်ရောက်တိုက်မိ၍ ဒဏ်ရာရရှိ

ဧရာဝတီတိုင်းဒေသကြီး၊ ညောင်တုန်းမြို့နယ်၌ လမ်းလျှောက်နေသည့် အမျိုးသမီး တစ်ဦးအား မော်တော်ယာဉ်မှ ဝင်ရောက်တိုက်မိ၍ ဒဏ်ရာရရှိ

     ၂၀၂၆ ခုနှစ်၊ ဧပြီ ၁၅ ရက်က ဧရာဝတီတိုင်းဒေသကြီး၊ ညောင်တုန်းမြို့နယ်၌ လမ်းလျှောက်နေသည့် အမျိုးသမီး တစ်ဦးအား မော်တော်ယာဉ်မှ ဝင်ရောက်တိုက်မိ၍ ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဧပြီ ၁၅ ရက် ည ၇ နာရီ ၁၀ မိနစ်တွင် ညောင်တုန်းမြို့နယ်၊ ဆားမလောက်ကျေးရွာ၊ ရန်ကုန်-ပုသိမ်ကားလမ်း မိုင်တိုင်အမှတ် ၂၈ မိုင် ၅ ဖာလုံနှင့် ၆ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ဆားမလောက်ရဲကင်းစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ ကဇန်း(ရေနံမြေ) လမ်းဆုံမှ ဆားမလောက်လမ်းဆုံဘက်သို့ ထားဝယ်မြို့နယ်၊ ကရပ်ပြင်တောင်ရပ်ကွက်နေ ဦးအောင်အောင်သိန်း(၄၄)နှစ် မောင်းနှင်လာသည့် MDY-15 2L/XXXX HINO မော်တော်ယာဉ်သည် အခင်းဖြစ်နေရာအရောက်၌ လားရာတူရှေ့မှ လမ်းလျှောက်နေသည့် ထန်းတပင်မြို့နယ်၊ အလယ်ဆည် ကျေးရွာနေ မအိအိလွင်(၁၆)နှစ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် မအိအိလွင်တွင် ဒဏ်ရာများရရှိခဲ့သောကြောင့် အောင်အောင်သိန်း အား မဲဇလီနယ်မြေရဲစခန်း ယာဉ်(ပ)၁၂/၂၀၂၆၊ ရာဇ သတ်ကြီးပုဒ်မ ၃၃၈ ဖြင့် အမှုဖွင့်အရေးယူထားကြောင်း သတင်းရရှိပါသည်။