နေပြည်တော် စည်ပင်သာယာရေးကော်မတီ၊စားသောက်ဆိုင်လုပ်ငန်းများစစ်ဆေးခြင်း သွေးလှူဒါန်းမှု ပြုလုပ်နိုင်ရန် Online Booking စနစ်

Services

Forms

Tenders

Job & Vacancy

Documents

TOPICS

နေပြည်တော် စည်ပင်သာယာရေးကော်မတီ၊စားသောက်ဆိုင်လုပ်ငန်းများစစ်ဆေးခြင်း

Naypyitaw Development Committee / October 08, 2021

ဆောင်ရွက်မှုများ

၁။

ဘဏ္ဍာရေးနှစ်တစ်နှစ်တာကာလအတွင်း စားသောက်ဆိုင်လုပ်ငန်းလုပ်ကိုင်ခွင့်လိုင်စင် လျှောက်ထား ရာတွင် ကျန်းမာရေးနှင့်သင့်လျော်၍ဘေးဥပါဒ် ကင်းရှင်းမှု ရှိ/မရှိစစ်ဆေးခြင်းတို့ ဆောင်ရွက်ပါသည်။ ထိုသို့ ဆောင်ရွက်ရာတွင် စစ်ဆေးမည့်လုပ်ငန်းများကိုစိစစ်ပြီး စစ်ဆေးမှုခံယူရမည့်လုပ်ငန်း များသို့ အကြောင်းကြားစာ ပေးပို့ခြင်း၊ ကွင်းဆင်းစစ်ဆေးခြင်း၊ ဝန်ဆောင်ခ ကောက်ခံခြင်း၊ ထောက်ခံချက် လက်မှတ်ထုတ်ပေးခြင်းစသည် လုပ်ငန်း စဉ်များဖြင့် ဆောင်ရွက်ပါသည်။

၂။

ကျန်းမာရေးထောက်ခံချက်ထုတ်ပေးရာတွင် ဆိုင်ရှင်/တာဝန်ခံ၏ လိုင်စင်ဓာတ်ပုံ(၂)နှင့် စည်းကြပ်ခွန် ပေးဆောင်ထားမှသာ ယင်းထောက်ခံချက် ကဒ်အားစိစစ်ထုတ်ပေးမည်ဖြစ်ပါသည်။

၃။

တစ်နှစ်စာအတွက်စည်းကြပ်ခွန်နှုန်းထားများမှာ အောက်ပါအတိုင်းဖြစ်ပါသည်-

လုပ်ငန်းလိုင်စင်စည်းကြပ်ငွေ	ကျန်းမာရေးဌာန၏စည်းကြပ်ငွေ	မှတ်ချက်
၄၈ဝဝဝ နှင့် အထက်	၄ဝဝဝိ/-	(က) ဆင့်
၃ဝဝဝဝိ/-နှင့် ၄၈ဝဝဝိ/- ကြား	၃ဝဝဝိ/-	(ခ) ဆင့်
၃ဝဝဝဝိ/- အောက်	၂ဝဝဝိ/-	(ဂ) ဆင့်

၄။

ကျန်းမာရေးဌာန၏ ငွေသွင်းချလံအမှတ်ပါငွေရပြေစာရှိမှသာ စည်းကြပ်ခွန်ပေးဆောင်ပြီးခြင်းကို အတည်ပြုနိုင်မည်ဖြစ်၍ ၎င်းအားသိမ်းဆည်းထားရန်နှင့် စစ်ဆေးပြီးကြောင်းထောက်ခံချက်ကဒ်များကိုလည်း အခွန်ငွေကောက်ခံသည့်လ၏ လကုန်ပြီးနောက်(၁ ပါတ်အတွင်း)သက်ဆိုင်ရာမြို့နယ် EO ရုံးများတွင် လက်မှတ်ထိုးထုတ်ယူနိုင်ပါသည်။

၅။

စီးပွားရေးလုပ်ငန်းနှင့်စပ်လျဉ်း၍ အောက်ပါအချက်များအားစစ်ဆေးတွေ့ရှိပါက နေပြည်တော် စည်ပင်သာယာရေးကော်မတီဥပဒေအရ လိုအပ်သလိုအရေးယူဆောင်ရွက်သွားမည်ဖြစ်ပါသည်-

(၁)	ပေးဆောင်ရန်ပျက်ကွက်ခြင်း
(၂)	ကျန်းမာရေးထောက်ခံချက်များအား ညွှန်ကြားချက်နှင့်အညီ စနစ်တကျထားရှိမှု မရှိခြင်း

Website လိပ်စာ

https://www.nptdc.gov.mm/

FAQs

သွေးလှူဒါန်းမှု ပြုလုပ်နိုင်ရန် Online Booking စနစ်

Ministry of Health / April 08, 2018

သွေးလှူဒါန်းရန်အချိန်မိနစ်(၃၀) ခန့်သာကြာမြင့်ပါမည်။ ကြိုတင်စာရင်းပေးသွင်းခြင်းဖြင့် သင်၏အချိန်ကို သက်သာစေနိုင်ပါသည်။ ကြိုတင်စာရင်းပေးလှူဒါန်းခြင်းအားဖြင့် စောင့်ဆိုင်းရန်မလိုဘဲ လွယ်ကူအဆင်ပြေစေပါသည်။

ဝန်ဆောင်မှုရယူရန်အခြေခံလိုအပ်ချက်များ

သင်သည် အသက်(၁၈) နှစ်မှ (၅၅) နှစ်အတွင်းရှိသူ ဖြစ်ရမည်။
အမျိုးသားအတွက် ကိုယ်အလေးချိန် ပေါင် (၁၁၀) အထက် ရှိရမည်။
အမျိုးသမီးအတွက် ကိုယ်အလေးချိန် ပေါင် (၁၀၀) အထက် ရှိရမည်။
အိပ်ရေးဝစွာ အိပ်စက်ထားသူ ဖြစ်ရပါမည်။
အရက်သေစာ သောက်စားထားခြင်းမရှိသူ ဖြစ်ရပါမည်။
လတ်တလော ရောဂါဝေဒနာမရှိသူ ဖြစ်ရပါမည်။
လွန်ခဲ့သော ၆ လအတွင်းက ဆေးမင်ကြောင်ထိုးခြင်း၊ နားဖောက်ခဲ့ခြင်း၊ ဆေးအပ်စိုက်ခဲ့ခြင်း တို့ မရှိသူ ဖြစ်ရပါမည်။
ကိုယ်ဝန်ဆောင်ခြင်း၊ နို့တိုက်ခြင်း၊ လတ်တလော ဓမ္မတာလာခြင်း တို့ မရှိသူဖြစ်ရပါမည်။
ဖော်ပြပါ အချက်အလက်များနှင့် ကိုက်ညီသော်လည်း သွေးလှူဒါန်းခြင်းအားဖြင့် သင်၏ကျန်းမာရေး မထိခိုက်စေရန် ဆရာဝန်များမှ တာဝန်ယူစောင့်ရှောက်ပေးပါမည်။

ဆက်သွယ်ရမည့်လိပ်စာ

နေပြည်တော်

ရုံးအမှတ်(၄) နေပြည်တော် +၉၅ ၆၇၄၁၁၁၈၉

ရန်ကုန်

အမှတ် (၉၇)၊ ဗိုလ်ချုပ်အောင်ဆန်းလမ်းနှင့် ရွှေတိဂုံဘုရားလမ်းထောင့်၊ လသာမြို့နယ်၊ ရန်ကုန်

၀၁၃၇၂၇၅၃

အီးမေးလ်လိပ်စာ

info@mohs.government.mm

Website လိပ်စာ

www.mohs.gov.mm

www.donatebloodmyanmar.org