News

Ministry of Information / Posted on June 03, 2019

ဧရာဝတီတိုင်းဒေသကြီး ဝန်ကြီးချုပ် ဦးလှမိုးအောင်နှင့် အမျိုးသား သဘာ၀ဘေး အန္တရာယ်ဆိုင်ရာ စီမံခန့်ခွဲမှု ကော်မတီအတွင်းရေးမှူး လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ဒုတိယဝန်ကြီး ဦးစိုးအောင်တို့သည် ယနေ့နံနက်ပိုင်း က ဂျပန်နိုင်ငံခြားရေးဝန်ကြီးဌာန၏ ရန်ပုံငွေပံ့ပိုးမှုဖြင့် မြန်မာနိုင်ငံအင်ဂျင်နီယာ အသင်းချုပ်နှင့် ဂျပန်နိုင်ငံမှ အစိုးရမဟုတ်သော အဖွဲ့အစည်းတစ်ခုဖြစ်သည့် SEEDS Asia တို့ပူးပေါင်း ဆောင်ရွက်သော ''ဟင်္သာတမြို့နယ်အတွင်းရှိ ရပ်ရွာလူထုနှင့်ပူးပေါင်း၍ ကျောင်းတွင်းဘေးအန္တရာယ် ကင်းရှင်းရေးအား တိုးမြှင့်ဆောင်ရွက်ခြင်း'' စီမံကိန်းအရ ဆောက်လုပ်ပြီးစီးခဲ့သော ဧရာဝတီတိုင်းဒေသကြီး ဟင်္သာတမြို့နယ် လိပ်ချောင်း ကျေးရွာအုပ်စု နဘဲကုန်းကျေးရွာ သဘာ၀ဘေးဒဏ်ခံ မူလတန်းကျောင်းဆောင်သစ် (School-Cum Shelter) ဖွင့်ပွဲအခမ်းအနားသို့ တက်ရောက်အမှာ စကားပြောကြားသည်။

Ministry of Information / Posted on June 03, 2019

၂၀၁၈ ခုနှစ် ကမ္ဘာ့ကားဈေးကွက် စာရင်းအင်း အချက်အလက်များအရ Toyota သည် ကမ္ဘာ့ဈေးကွက်၏ ၉ ဒသမ ၄၆ ရာခိုင်နှုန်း၊ Volkswagen မှ ၇ ဒသမ ၃၈ ရာခိုင်နှုန်းနှင့် Ford မှ ၅ ဒသမ ၈၃ ရာခိုင်နှုန်းတို့ဖြင့် ရပ်တည်လျက်ရှိပါသည်။ ကမ္ဘာ့ဈေးကွက် ပထမရရှိထားသည့် တိုယိုတာမှ မြန်မာနိုင်ငံသို့ လာရောက်ခြင်းဖြင့် မြန်မာနိုင်ငံ၏ မော်တော်ကားကဏ္ဍ ပိုမိုဖွံ့ဖြိုး လာမည် ဖြစ်ပါသည်။

Ministry of Information / Posted on June 03, 2019

၂၀၁၂ ခုနှစ်မှ ၂၀၁၉ ခုနှစ် မေ ၃၀ ရက်အထိ မကွေး ဆေးတက္ကသိုလ်သို့ သက်မဲ့ခန္ဓာ လှူဒါန်းရန် စာရင်းပေးထားသူ ၃၀၅ ဦးအထိရှိသည့်အပြင် ယခုနောက်ပိုင်းတွင် လူသိများလာ၍ လှူဒါန်းမှု များလာသော်လည်း လိုအပ်ချက်များရှိနေသည့်အတွက် သဒ္ဓါတရားထက်သန်သူများအား သက်မဲ့ခန္ဓာ လှူဒါန်းရန် ဖိတ်ခေါ်လိုကြောင်း ဆေးတက္ကသိုလ် (မကွေး) ခန္ဓာဗေဒဌာနမှ ကထိက ဒေါက်တာ ဥမ္မာလှိုင်က ပြောကြားသည်။

Ministry of Information / Posted on June 03, 2019

မန္တလေးတိုင်းဒေသကြီး အမရပူရမြို့နယ် ဘုန်းတော်နိုင်ငံကျေးရွာအုပ်စု အိုးတုတ္တန်း လမ်းတွင် မြန်မာ့စွမ်းအင်ကဏ္ဍ ဖွံ့ဖြိုးတိုးတက်ရေး အများပိုင်ကုမ္ပဏီလီမိတက် (MESDP Co., Ltd) မှ တည်ဆောက်ခဲ့သော စက်သုံးဆီသိုလှောင်ကန် ဆီတင်၊ ဆီချ ဆိပ်ခံ တံတားနှင့် စက်သုံးဆီသိုလှောင် ဖြန့်ဖြူးမှု စခန်းဖွင့်ပွဲအခမ်းအနားကို ယနေ့ နံနက်ပိုင်းက ကျင်းပသည်။

Ministry of Information / Posted on June 03, 2019

အဂတိလိုက်စားမှု တိုက်ဖျက်ရာတွင် လူငယ်ထုပါဝင် ဆောင်ရွက်နိုင်ရေးနှင့် လူငယ်များ အကြားတွင် ဖြောင့်မတ်တည်ကြည်မှု မြင့်မားတိုးတက်လာစေရန် ရည်ရွယ်၍ ''ဖြောင့်မတ် တည်ကြည်မှု'' လူငယ်စခန်း ၂၀၁၉ (Youth Integrity Camp 2019) ကို နေပြည်တော် အားကစား လေ့ကျင့်ရေး စခန်းတွင် ဇွန် ၃ ရက်မှ ၇ ရက်အထိ ငါးရက်ကြာ ဖွင့်လှစ် သွားမည်ဖြစ်ရာ လူငယ်စခန်းသို့ တက်ရောက်ကြမည့် ဆရာ ဆရာမများနှင့် ကျောင်းသား ကျောင်းသူများသည် တည်းခိုနေထိုင်မည့် နေပြည်တော် အားကစားလေ့ကျင့်ရေး စခန်းသို့ ယနေ့ညနေပိုင်းတွင် ရောက်ရှိကြသည်။

Ministry of Information / Posted on June 03, 2019

တပ်မတော် သတင်းစာရှင်းလင်းပွဲကို ယနေ့မွန်းလွဲပိုင်းတွင် နေပြည်တော်ရှိ တပ်မတော်စစ်သမိုင်း ပြတိုက်၌ပြုလုပ်ရာ တပ်မတော် သတင်းမှန်ပြန်ကြားရေးအဖွဲ့ ဥက္ကဋ္ဌ ဗိုလ်ချုပ် စိုးနိုင်ဦး၊ ဒုတိယဥက္ကဋ္ဌ ဗိုလ်ချုပ် ထွန်းထွန်းညီ၊ အတွင်းရေးမှူး ဗိုလ်မှူးချုပ် ဇော်မင်းထွန်းနှင့် ကာကွယ်ရေးဦးစီးချုပ်ရုံး (ကြည်း) မှ တပ်မတော်အရာရှိကြီးများ၊ ပြည်တွင်းသတင်းဌာနများ၊ နေ့စဉ်ထုတ်သတင်းစာများ၊ ဂျာနယ်များ၊ ပြည်တွင်း ရုပ်မြင်သံကြားသတင်းဌာနများ၊ ပြည်တွင်းအခြေစိုက် ပြည်ပသတင်းဌာနများ စုစုပေါင်းသတင်းဌာန ၃၀ မှသတင်းထောက်များ တက်ရောက်ကြသည်။

Ministry of Information / Posted on June 03, 2019

၂၀၁၉ ခုနှစ် (၁၆) ကြိမ်မြောက် အရှေ့တောင်အာရှ ကာယဗလနှင့် ကာယကြံ့ခိုင်မှု ပြိုင်ပွဲတွင် ဆုရရှိခဲ့ကြသည့် ရခိုင်ပြည်နယ်မှ အောင်ပွဲရ အားကစားသမားများအား ဂုဏ်ပြုဆု ပေးအပ်ချီးမြှင့်ခြင်း အခမ်းအနားကို ယနေ့မွန်းတည့် ၁၂ နာရီတွင် စစ်တွေမြို့ ခိုင်သဇင်ခန်းမ၌ကျင်းပရာ ပြည်နယ် ဝန်ကြီးချုပ် ဦးညီပုတက်ရောက်၍ ဂုဏ်ပြုအမှာစကား ပြောကြားသည်။

Ministry of Information / Posted on June 03, 2019

မြန်မာ့ရုပ်ရှင်နှစ် (၁၀၀) ပြည့် အခမ်းအနားကျင်းပရေး ကြိုတင်ညှိနှိုင်း အစည်းအဝေးကို ယနေ့ မွန်းလွဲပိုင်းက ရန်ကုန်မြို့ ပြည်လမ်းရှိ မြန်မာ့အသံနှင့် ရုပ်မြင်သံကြား အစည်းအဝေးခန်းမ၌ ကျင်းပသည်။

Ministry of Information / Posted on June 02, 2019

အမျိုးသား ဒီမိုကရေစီအဖွဲ့ချုပ် အမျိုးသားကျန်းမာရေးကွန်ရက် (အခမဲ့) နယ်လှည့် ဆေးကုသရေးအဖွဲ့ အဖွဲ့ခေါင်းဆောင် ဒေါက်တာတင်မျိုးဝင်း ဦးဆောင်သည့် ဆေးကုသရေးအဖွဲ့သည် ယနေ့နံနက်ပိုင်းတွင် စစ်တွေမြို့ အထွေထွေရောဂါကု ဆေးရုံကြီး (ခုတင် - ၅၀၀) ၌ ဒုတိယနေ့ အခမဲ့ဆေးကုသရေးလုပ်ငန်းများ ဆက်လက်ဆောင်ရွက်သည်။

Ministry of Information / Posted on June 02, 2019

ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်သည် ယနေ့နံနက်ပိုင်းတွင် ရန်ကုန်တိုင်းဒေသကြီး၊ လှည်းကူးမြို့နယ်၊ ငါးဆူတောင် - ကြာအင်း - ကမ်းနီ - ဖောင်ကြီးကျေးလက်လမ်းပေါ်ရှိ အရှည် ပေ (၁၇၀) ရှိ ငမိုးရိပ်ချောင်းကူး တံတား တည်ဆောက်ရေး လုပ်ငန်းခွင်သို့ ရောက်ရှိရာ ရှင်းလင်းဆောင်တွင် စီမံကိန်းတာဝန်ရှိသူက တံတားဘိုးပိုင်လုပ်ငန်းများ ဆောင်ရွက်နေမှု၊ ဆက်လက်ဆောင်ရွက်မည့် လုပ်ငန်းအစီအစဉ်များကို ရှင်းလင်းတင်ပြသည်။