Covid-19 ကာကွယ်ထိန်းချုပ်ရေးအတွက် အိမ်တွင်းဖြစ်ပိတ်စ နှာခေါင်းစည်းချုပ်လုပ်မှုပြိုင်ပွဲတွင် ပြည်သူ့အကျိုးပြုဆု၌ ဒုတိယဆုရရှိသူ ဒေါ်မေဖြူစင်ငြိမ်း(May Phyu Sin Nyein)အား နိုင်ငံတော်၏ အတိုင်ပင်ခံပုဂ္ဂိုလ်က ချီးမြှင့်သည့် ဂုဏ်ပြုဆုချီးမြှင့်ပွဲ အခမ်းအနား တက်ရောက်

Covid-19 ကာကွယ်ထိန်းချုပ်ရေးအတွက် အိမ်တွင်းဖြစ်ပိတ်စ နှာခေါင်းစည်းချုပ်လုပ်မှုပြိုင်ပွဲတွင် ပြည်သူ့အကျိုးပြုဆု၌ ဒုတိယဆုရရှိသူ ဒေါ်မေဖြူစင်ငြိမ်း(May Phyu Sin Nyein)အား နိုင်ငံတော်၏ အတိုင်ပင်ခံပုဂ္ဂိုလ်က ချီးမြှင့်သည့် ဂုဏ်ပြုဆုချီးမြှင့်ပွဲ အခမ်းအနား တက်ရောက်

Sagaing Region Government/ Monywa / June 30, 2020
logo


နိုင်ငံတော်၏ အတိုင်ပင်ခံပုဂ္ဂိုလ်၏ Facebook Account မှ ၂၀၂၀ ပြည့်နှစ် မေလအတွင်းက ကျင်းပပြုလုပ်ခဲ့သော Covid-19 ကာကွယ်ထိန်းချုပ်ရေးအတွက် အိမ်တွင်းဖြစ်ပိတ်စ နှာခေါင်းစည်း ချုပ်လုပ်မှု ပြိုင်ပွဲတွင် ပြည်သူ့အကျိုးပြုဆု၌ ဒုတိယဆုရရှိသူ ဒေါ်မေဖြူစင်ငြိမ်း(May Phyu Sin Nyein)အား နိုင်ငံတော်၏ အတိုင်ပင်ခံပုဂ္ဂိုလ်က ချီးမြှင့်သည့် ဂုဏ်ပြုဆုပြန်လည်ပေးအပ်သည့် အခမ်းအနားကို (၃၀.၆.၂၀၂၀) ရက်နေ့ နံနက်(၀၉၃၀)နာရီအချိန် စစ်ကိုင်းတိုင်းဒေသကြီးအစိုးရအဖွဲ့ အစည်းအဝေးခန်းမ၌ ကျင်းပပြုလုပ်ခဲ့ရာ စစ်ကိုင်းတိုင်းဒေသကြီး ဝန်ကြီးချုပ် ဒေါက်တာမြင့်နိုင် တိုင်းဒေသကြီး လွှတ်တော် ဥက္ကဌ၊ တိုင်းဒေသကြီး တရားသူကြီးချုပ်၊ တိုင်းဒေသကြီးအစိုးရ အဖွဲ့ဝင် ဝန်ကြီးများ၊ တိုင်းဒေသကြီး ဥပဒေချုပ်၊ တိုင်းဒေသကြီး စာရင်းစစ်ချုပ်၊ တိုင်းဒေသကြီး အစိုးရအဖွဲ့ အတွင်းရေးမှူး၊ ဌာနဆိုင်ရာ အကြီးအကဲများ တက်ရောက်ခဲ့သည်။

 

ရှေးဦးစွာ တိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာမြင့်နိုင်က Covid-19 ကာကွယ် ထိန်းချုပ်ရေးအတွက်လုပ်ငန်းများကို အရှိန်အဟုန်မပြတ် ဆက်လက်ကြိုးစား ဆောင်ရွက်သွားကြရန် လမ်းညွှန်အမှာစကားပြောကြားပြီး Covid-19 ကာကွယ်ထိန်းချုပ်ရေးအတွက် အိမ်တွင်းဖြစ် ပိတ်စနှာခေါင်းစည်း ချုပ်လုပ်မှုပြိုင်ပွဲတွင် ပြည်သူ့အကျိုးပြုဆု၌ ဒုတိယဆုရရှိသူ ဒေါ်မေဖြူစင်ငြိမ်း (May Phyu Sin Nyein)အား နိုင်ငံတော်၏ အတိုင်ပင်ခံပုဂ္ဂိုလ်ကချီးမြှင့်သည့် ဂုဏ်ပြုဆုနှင့် စစ်ကိုင်းတိုင်းဒေသကြီးအစိုးရအဖွဲ့မှ အမှတ်တရဂုဏ်ပြုလက်ဆောင် ပစ္စည်းများပေးအပ် ချီးမြှင့်ခဲ့ပြီးနောက် ဆုရရှိသူဒေါ်မေဖြူစင်ငြိမ်းက ကျေးဇူးတင်စကားပြန်လည် ပြောကြားခဲ့ကာ အခမ်းအနားကို နံနက်(၁၀၀၀)နာရီအချိန်တွင် ရုပ်သိမ်းခဲ့ပါသည်။


Visit us at Facebook page  

 



ဓာတ်ပုံနှင့် ဗီဒီယိုများ