ကချင်ပြည်နယ်၊ တနိုင်းမြို့နယ်၊ ဆွတ်ငိုင်ရပ်ကွက်၌ စားသောက်ဆိုင် မီးလောင်မှု

ကချင်ပြည်နယ်၊ တနိုင်းမြို့နယ်၊ ဆွတ်ငိုင်ရပ်ကွက်၌ စားသောက်ဆိုင် မီးလောင်မှု

     ၂၀၂၆ ခုနှစ်၊ ဧပြီ ၂၀ ရက် နံနက် ၈ နာရီ ၃၀ မိနစ်ခန့်က ကချင်ပြည်နယ်၊ တနိုင်းမြို့နယ်၊ ဆွတ်ငိုင်ရပ်ကွက်၌ ပိုင်ရှင် ဦးကောင်းမြတ်အောင်(၃၄)နှစ်၏ “ဆွမ်ဘရာဘွမ်” စားသောက်ဆိုင်ရှိ ၈ x ၈ ပေ၊ သွပ်မိုး၊ ထရံကာ မီးဖိုခန်းတွင် ကိုအောင်ကြီး(၂၆)နှစ်မှ ထင်းမီးဖိုဖြင့် ဟင်းများ ချက်ပြုတ်၍ လူစောင့်မရှိဘဲထားခဲ့ရာမှတစ်ဆင့် အနီးရှိ ဝါးထရံသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် တနိုင်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် မီးငြှိမ်းသတ်ခဲ့ရာ နံနက် ၉ နာရီ ၃၀ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၈ x ၈ ပေ၊ သွပ်မိုး၊ ထရံကာ မီးဖိုခန်း တစ်ခန်း၊ ၆ x ၆ ပေ၊ သွပ်မိုး၊ ထရံကာ ဆိုင်ခန်း တစ်ခန်း၊ ၁၀ x ၆ ပေ၊ သွပ်မိုး၊ ထရံကာ တစ်ထပ် အမျိုးသားဝန်ထမ်း အိပ်ဆောင် တစ်လုံး၊  ၁၆ x ၁၀ ပေ၊ သွပ်မိုး၊ နံကပ် တစ်ထပ် အမျိုးသားဝန်ထမ်း အိပ်ဆောင် တစ်လုံး၊ ၇၂ x ၆ ပေ၊ သွပ်မိုး၊ ထရံကာ တစ်ထပ် အမျိုးသမီးဝန်ထမ်း အိပ်ဆောင် တစ်လုံး၊ ယာဉ်အမှတ် 9G-XXXX HONDA AIRWAVE မော်တော်ယာဉ် တစ်စီး၊ TOYOTA MARK II (နံပါတ်ပြားမရှိ) မော်တော်ယာဉ် တစ်စီး မီးလောင်ဆုံးရှုံးခဲ့ကြောင်းနှင့် ချက်ပြုတ်ရေးတာဝန်ခံဖြစ်သူ အောင်ကြီး အား တနိုင်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။