ကရင်ပြည်နယ်၊ မြဝတီမြို့နယ်၊ အမှတ်(၅)ရပ်ကွက်၌ အဆောက်အအုံ မီးလောင်မှု

ကရင်ပြည်နယ်၊ မြဝတီမြို့နယ်၊ အမှတ်(၅)ရပ်ကွက်၌ အဆောက်အအုံ မီးလောင်မှု

      ၂၀၂၆ ခုနှစ်၊ မေ ၈ ရက် နံနက် ၁ နာရီ ၂၀ မိနစ်ခန့်က ကရင်ပြည်နယ်၊ မြဝတီမြို့နယ်၊ အမှတ်(၅)ရပ်ကွက်၌ ပိုင်ရှင် ဦးစောထွန်းမင်း(၅၇)နှစ် ပိုင်ဆိုင်သော ၆၀ x ၃၆ ပေ၊ RC လေးခန်းတွဲ နှစ်ထပ်အဆောက်အအုံရှိ ၁၅ x ၃၆ ပေ အခန်းတွင် အိမ်ငှားဖြစ်သူ ဦးထွန်းထွန်းဦး(၄၉)နှစ်၏ ကုန်ခြောက်မျိုးစုံဆိုင်တွင် ဆိုလာအင်ဗာတာ မိန်းခုံအပူလွန်ကဲပြီး မီးစတင်လောင်ကျွမ်းမှု ဖြစ်ပွားကြောင်း သတင်းရရှိသဖြင့် မြဝတီခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ခုနစ်စီးဖြင့် မီးငြှိမ်းသတ်ခဲ့ရာ နံနက် ၂ နာရီ ၂၂ မိနစ်တွင် မီးငြိမ်းခဲ့ပါသည်။
      အဆိုပါမီးလောင်မှုကြောင့် ၆၀ x ၃၆ ပေ၊ RC လေးခန်းတွဲ နှစ်ထပ်အဆောက်အအုံရှိ ၁၅ x ၃၆ ပေ အခန်း တစ်ခန်း မီးလောင်ဆုံးရှုံးခဲ့ကြောင်းနှင့် အိမ်ငှားဖြစ်သူ ဦးထွန်းထွန်းဦး အား မြဝတီမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။