ကျန်းမာရေးစောင့်ရှောက်မှု ပေးအပ်ခြင်းနှင့် အသိပညာပေး ဟောပြောပွဲ ကျင်းပ

ကျန်းမာရေးစောင့်ရှောက်မှု ပေးအပ်ခြင်းနှင့် အသိပညာပေး ဟောပြောပွဲ ကျင်းပ

နေပြည်တော် ဖေဖော်ဝါရီ ၁၁

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုဝန်ကြီးရုံးအပါအဝင် ဦးစီးဌာန (၄) ခုတို့မှ ဝန်ထမ်းများအတွက် ကျန်းမာရေးစောင့်ရှောက်မှုများနှင့် ကျန်းမာရေး အသိပညာပေး ဟောပြောပွဲကို ယနေ့နံနက်ပိုင်းက အဆိုပါဝန်ကြီးဌာန၊ စုပေါင်းအစည်းအဝေးခန်းမတွင် ကျင်းပ ပြုလုပ်သည်။

ရှေးဦးစွာ ကျန်းမာရေးဝန်ကြီးဌာန၊ ကုသရေးဦးစီးဌာနမှ အဖွဲ့ဝင် (၄၀) ဦး ပါဝင်သော ဆေး ကုသရေးအဖွဲ့သည် နံနက် (၀၉:၀၀) နာရီမှစတင်၍ ဝန်ထမ်းများအတွက် အထွေထွေရောဂါ၊ သွား နှင့် ခံတွင်းရောဂါဆိုင်ရာ စစ်ဆေးမှုများနှင့် ကုသပေးမှုများ ဆောင်ရွက်ပေးခဲ့သည်။

ယင်းနောက် ကျန်းမာရေးအသိပညာပေးဟောပြောပွဲကို ကျင်းပပြုလုပ်ရာ ကုတင်(၁၀၀၀) ပြည်သူ့ဆေးရုံကြီးမှ ညွှန်ကြားရေးမှူး ပါမောက္ခဒေါက်တာ ဖြိုးသီဟက ကျန်းမာရေးဆိုင်ရာ အသိ ပညာများ ဟောပြောခဲ့ပြီး ဝန်ထမ်းများ၏ ကျန်းမာရေးဆိုင်ရာ သိရှိလိုသည်များ မေးမြန်းမှုအပေါ် ပြန်လည်ဖြေကြားပေးခဲ့ကြောင်း သတင်းရရှိသည်။