ပဲခူးတိုင်းဒေသကြီး၊ ဝေါမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦးနှင့် အမျိုးသမီး တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ ဝေါမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦးနှင့် အမျိုးသမီး တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဇန်နဝါရီ ၈ ရက်က ပဲခူးတိုင်းဒေသကြီး၊ ဝေါမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦးနှင့် အမျိုးသမီး တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာ ရရှိခဲ့ကြောင်း သိရသည်။

     ဖြစ်စဉ်မှာ ဇန်နဝါရီ ၈ ရက် နံနက် ၁ နာရီ ၅ မိနစ်တွင် ပဲခူးတိုင်းဒေသကြီး၊ ဝေါမြို့နယ်၊ ကျိုက်လှကျေးရွာအနီး ရန်ကုန်-မော်လမြိုင်ကားလမ်း မိုင်တိုင်အမှတ် ၆ မိုင် ၄ ဖာလုံနှင့် ၅ ဖာလုံ ကြား၌ ယာဉ်တိုက်မှုဖြစ်ပွားကြောင်း သတင်းအရ ဝေါမြို့မရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ ဘုရားကြီးမြို့မှ ဝေါမြို့သို့ ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊ အမှတ်(၃၂)ရပ်ကွက်နေ ဇေယျာလင်း(၄၃)နှစ် မောင်းနှင်သည့် YGN-13/7D-XXXX PROBOX ခဲရောင် မော်တော်ယာဉ်သည် အခင်းဖြစ်နေရာအရောက် လမ်းယာဘက်၌ ရပ်တန့်ထားသည့် လှည်းကူး မြို့နယ်၊ ဇီးပင်ဝဲကျေးရွာနေ ကျော်ကျော်ဦး(၃၉)နှစ် မောင်းနှင်သည့် TNI-10/6R-XXXX DONGFENG အဖြူရောင် ၂၂ ဘီး မော်တော်ယာဉ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ဇေယျာလင်းနှင့် PROBOX ယာဉ်ပေါ်ပါ တစ်ရပ်ကွက်တည်းနေ ဒေါ်တင်တင်လှိုင်(၄၃)နှစ်၊ မရမ်းကုန်းမြို့နယ်၊ အမှတ်(၅)ရပ်ကွက်နေ ဦးမိုးကျော်(၅၂)နှစ်တို့တွင် ထိခိုက်ဒဏ်ရာများရရှိကာ သေဆုံးသွားခဲ့ပြီး ဇေယျာလင်း၏ သမီးဖြစ်သူ မနှင်းစက်ရွှေစင်(၁၀)နှစ်တွင် ထိခိုက်ဒဏ်ရာများ ရရှိခဲ့သောကြောင့် ကျော်ကျော်ဦး အား ဝေါမြို့မရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။