ပဲခူးတိုင်းဒေသကြီး၊ ရေတာရှည်မြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၁၈၂ မိုင် ၇ ဖာလုံနှင့် ၁၈၃ မိုင် ၀ ဖာလုံကြား၌ မော်တော်ယာဉ် တိမ်းမှောက်မှု

ပဲခူးတိုင်းဒေသကြီး၊ ရေတာရှည်မြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၁၈၂ မိုင် ၇ ဖာလုံနှင့် ၁၈၃ မိုင် ၀ ဖာလုံကြား၌ မော်တော်ယာဉ် တိမ်းမှောက်မှု

     ၂၀၂၆ ခုနှစ်၊ ဧပြီ ၂၃ ရက် နံနက် ၉ နာရီ ၁၈ မိနစ်ခန့်က ပဲခူးတိုင်းဒေသကြီး၊ ရေတာရှည်မြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၁၈၂ မိုင် ၇ ဖာလုံနှင့် ၁၈၃ မိုင် ၀ ဖာလုံကြား၌ ရန်ကုန်မြို့မှ နေပြည်တော်ဘက်သို့  ယာဉ်မောင်း ဦးဇော်မင်းထွန်း(၅၂)နှစ် မောင်းနှင်လာသော ယာဉ်အမှတ် YGN-14/9D-XXXX TOYOTA HILUX SURF အမျိုးအစား မော်တော်ယာဉ်သည် မောင်းနှင်နေစဉ် အရှိန်မထိန်းနိုင်ဘဲ လမ်းဘေးရေမြောင်းထဲသို့ ထိုးကျတိမ်းမှောက်မှုဖြစ်ပွားကြောင်း သတင်းရရှိသဖြင့် သာဂရအမြန်လမ်းမီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ နံနက် ၁၀ နာရီ ၂၈ မိနစ်တွင် ပြီးစီးခဲ့ပါသည်။

     အဆိုပါယာဉ်တိုက်မှုကြောင့် ယာဉ်ပေါ်ပါ ယာဉ်မောင်းအပါအဝင် သံဃာတော် တစ်ပါး၊ အမျိုးသား နှစ်ဦး၊ အမျိုးသမီး ငါးဦး စုစုပေါင်း ရှစ်ဦး ထိခိုက်ဒဏ်ရာ(မစိုးရိမ်ရ)တို့အား နေပြည်တော် ခုတင်(၁၀၀၀)ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း၊ မော်တော်ယာဉ်၏ လေကာမှန်များကွဲ၊ ကားရှေ့ခြမ်းပိန်ချိုင့် ပျက်စီးခဲ့ကြောင်းနှင့် ယာဉ်မောင်းဖြစ်သူ ဦးဇော်မင်းထွန်း အား သာဂရအမြန်လမ်းရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။