မကွေးတိုင်းဒေသကြီး၊ မင်းလှမြို့နယ်၊ သမ္ဘရာကန်ကျေးရွာ၊ ရေနံချက်စက်ရုံဝင်းအတွင်းရှိ ရေနံစိမ်းများ မီးလောင်မှု

မကွေးတိုင်းဒေသကြီး၊ မင်းလှမြို့နယ်၊ သမ္ဘရာကန်ကျေးရွာ၊ ရေနံချက်စက်ရုံဝင်းအတွင်းရှိ ရေနံစိမ်းများ မီးလောင်မှု

     ၂၀၂၆ ခုနှစ်၊ ဇန်နဝါရီ ၂၃ ရက် နံနက် ၆ နာရီ ၂၀ မိနစ်ခန့်က မကွေးတိုင်းဒေသကြီး၊ မင်းလှမြို့နယ်၊ ရွာတော်ကျေးရွာအုပ်စု၊ သမ္ဘရာကန်ကျေးရွာ၊ ရေနံချက်စက်ရုံဝင်းအတွင်းရှိ ရေနံသိုလှောင်ကန်(Dlke) အတွင်း စွန့်ပစ်ထားသော ရေနံစိမ်းအနယ်အနှစ်များအား ဆီနှင့်ရေခွဲခြားရန်အတွက် ဘွိုင်လာစက်နှိုး၍ ရေးနွေးငွေ့ပိုက်လိုင်းမှ အပူပေးနေစဉ် ရေနံပိုက်လိုင်း၏ ပိုက်ဆက်နေရာမှ အပူအအေးပြောင်းလဲ မှုကြောင့် ရေနံစိမ်းနှင့်ဓာတ်ငွေ့များ ပန်းထွက်လာပြီး ရေနွေးငွေ့ပိုက်လိုင်းပေါ် ကျရောက်၍ အပူနဲ့ ထိတွေ့ရာ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် မင်းဘူးခရိုင်၊ မြို့နယ်မီးသတ်စခန်း များမှ မီးသတ်တပ်ဖွဲ့ဝင်များသည် မီးသတ်ယာဉ် ၁၄ စီးဖြင့် သွားရောက်ငြှိမ်းသတ်ခဲ့ရာ နံနက် ၇ နာရီတွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ရေနံပိုက်လိုင်းအတွင်းရှိ ရေနံစိမ်းခန့်မှန်းဂါလန် ၃၅၀ ခန့် မီးလောင် ဆုံးရှုံးခဲ့ကြောင်း သတင်းရရှိပါသည်။