မန္တလေးတိုင်းဒေသကြီး၊ အမရပူရမြို့နယ်၊ တော်လှကျေးရွာ၊ ပြင်ဦးလွင်-ထုံးဘိုသွား ကားလမ်းဘေးရှိ မော်တော်ယာဉ်ပြုပြင်ရေးခြံ၌ မီးလောင်မှု

မန္တလေးတိုင်းဒေသကြီး၊ အမရပူရမြို့နယ်၊ တော်လှကျေးရွာ၊ ပြင်ဦးလွင်-ထုံးဘိုသွား ကားလမ်းဘေးရှိ မော်တော်ယာဉ်ပြုပြင်ရေးခြံ၌ မီးလောင်မှု

     ၂၀၂၅ ခုနှစ်၊ အောက်တိုဘာ ၃၀ ရက် မွန်းလွဲ ၁၂ နာရီ ၅၀ မိနစ်ခန့်က မန္တလေးတိုင်း ဒေသကြီး၊ အမရပူရမြို့နယ်၊ တော်လှကျေးရွာ၊ ပြင်ဦးလွင်-ထုံးဘိုသွား ကားလမ်းဘေးရှိ မော်တော်ယာဉ် ပြုပြင်ရေးခြံတာဝန်ခံ ဦးအောင်ဇော်မင်း၏ ၂၀ x ၃၀ ပေ၊ သွပ်မိုး၊ ထရံကာ၊ မြေစိုက် တစ်ထပ် စတိုခန်းတွင် သွယ်တန်းထားသော ဝိုင်ယာကြိုးများ အပူလွန်ကဲပြီး မီးပွားထွက်ရာမှ အနီးရှိ ထရံသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် အမရပူရခရိုင်၊ မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ၁၅ စီးဖြင့် မီးငြှိမ်းသတ်ခဲ့ရာ မွန်းလွဲ ၁ နာရီ ၆ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ၂၀ x ၃၀ ပေ၊ သွပ်မိုး၊ ထရံကာ၊ မြေစိုက်  တစ်ထပ် စတို တစ်လုံးနှင့် အတွင်းပစ္စည်းအဟာင်းများ၊ MDY-14/9S-XXXX SHACMAN အဖြူရောင် တွဲခေါင်းမော်တော်ယာဉ် နှစ်စီး၊ MDY-14/ 6S-XXXX SHACMAN အဖြူရောင် တွဲခေါင်းမော်တော်ယာဉ်၏ ဦးခေါင်းပိုင်း၊ တာယာ ၁၂ လုံးနှင့် အင်ဂျင်အစိတ်အပိုင်း အနည်းငယ်၊ MDY-14/1P-XXXX DONGFENG အဝါရောင် တွဲခေါင်းမော်တော်ယာဉ်၏ ဦးခေါင်းပိုင်းနှင့် တာယာ ၅ လုံးတို့ မီးလောင်ဆုံးရှုံးခဲ့ကြောင်းနှင့် တာဝန်ခံ ဦးအောင်ဇော်မင်း အား မြစ်ငယ်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။