ရန်ကုန်တိုင်းဒေသကြီး၊ တွံတေးမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့မှုကြောင့် လမ်းလျှောက်နေသော အမျိုးသား တစ်ဦးနှင့် အမျိုးသမီး တစ်ဦး သေဆုံး

ရန်ကုန်တိုင်းဒေသကြီး၊ တွံတေးမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့မှုကြောင့် လမ်းလျှောက်နေသော အမျိုးသား တစ်ဦးနှင့် အမျိုးသမီး တစ်ဦး သေဆုံး

     ၂၀၂၅ ခုနှစ်၊ အောက်တိုဘာ ၁၄ ရက်က ရန်ကုန်တိုင်းဒေသကြီး၊ တွံတေးမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့မှုကြောင့် လမ်းဘေးတွင် လမ်းလျှောက်နေသော အမျိုးသား တစ်ဦးနှင့် အမျိုးသမီး တစ်ဦးသေဆုံးခဲ့ကြောင်း သိရသည်။

     ဖြစ်စဉ်မှာ အောက်တိုဘာ ၁၄ ရက် နံနက် ၆ နာရီ ၃၀ မိနစ်တွင် တွံတေးမြို့နယ်၊ ပိတ်စွယ်ကျေးရွာ၊ တွံတေး-ဒလ ကားလမ်းမပေါ်၌  ယာဉ်တိုက်မှုဖြစ်ပွားကြောင်း သတင်းအရ အမှတ်(၅၇) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ တွံတေး-ဒလ ကားလမ်းအတိုင်း အရှေ့မှအနောက်သို့ ဒလမြို့နယ်၊ တုံးတင်ဂံ(မြောက်)ကျေးရွာနေ မျိုးမင်းသူ(၄၈)နှစ် မောင်းနှင်လာသော YGN-18 RLG/XXXX NISSAN X-TRAIL ယာဉ်သည် တွံတေးမြို့နယ်၊ ပိတ်စွယ်ကျေးရွာအနီး မိုင်တိုင်အမှတ် ၄ မိုင် ၇ ဖာလုံ နှင့် ၅ မိုင် ၀ ဖာလုံ ကြားအရောက်၌ ကားလမ်း၏ ယာဘက်ဘေးတွင် လမ်းလျှောက် နေသော အဆိုပါကျေးရွာနေ ဦးသိန်းနိုင်(၅၈)နှစ်နှင့် ဒေါ်စန်းစန်းဝင်း (၆၂)နှစ်တို့ နှစ်ဦးအား အရှိန်မထိန်းနိုင်ဘဲ နောက်မှ ဝင်ရောက်တိုက်မိခဲ့သဖြင့် ၎င်းတို့ နှစ်ဦးတွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သောကြောင့် မျိုးမင်းသူအား တွံတေးမြို့မရဲစခန်း ယာဉ်(ပ)၁၀/၂၀၂၅၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။