ရန်ကုန်တိုင်းဒေသကြီး၊ မင်္ဂလာဒုံမြို့နယ်၌ မော်တော်ယာဉ်ပေါ်မှ ပြုတ်ကျ၍ အမျိုးသမီး တစ်ဦး သေဆုံး

ရန်ကုန်တိုင်းဒေသကြီး၊ မင်္ဂလာဒုံမြို့နယ်၌ မော်တော်ယာဉ်ပေါ်မှ ပြုတ်ကျ၍ အမျိုးသမီး တစ်ဦး သေဆုံး

     ၂၀၂၆ ခုနှစ်၊ ဇန်နဝါရီ ၇ ရက်က ရန်ကုန်တိုင်းဒေသကြီး၊ မင်္ဂလာဒုံမြို့နယ်၌ မော်တော်ယာဉ် ပေါ်မှ ပြုတ်ကျ၍ အမျိုးသမီး တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ ဇန်နဝါရီ ၇ ရက် ညနေ ၆ နာရီ ၅၅ မိနစ်တွင် ရန်ကုန်တိုင်းဒေသကြီး၊  မင်္ဂလာဒုံ မြို့နယ်၊ ရေကြည်အိုင်ကားမှတ်တိုင်အနီး၌ ယာဉ်ပေါ်မှပြုတ်ကျ၍ အမျိုးသမီး တစ်ဦး သေဆုံး သွားကြောင်း သတင်းအရ အမှတ်(၉)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ ရန်ကုန်-ပြည်လမ်းအတိုင်း မြောက်မှတောင်သို့ ရွှေပြည်သာမြို့နယ်၊ အမှတ်(၂၀)ရပ်ကွက်နေ ဟိန်းထက်စိုး(၂၅)နှစ်သည် YGN-5/8J-XXXX I ZONE မော်တော်ယာဉ်အား မောင်းနှင်လာစဉ် အခင်းဖြစ် နေရာအရောက်၌ ယာဉ်နောက်တွင် လိုက်ပါလာသူ မင်္ဂလာဒုံမြို့နယ်၊ ပေါက်ကုန်းရပ်ကွက်နေ မနီနီမိုး(၂၈)နှစ်သည် ယာဉ်ပေါ်မှ ပြုတ်ကျပြီး ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံး သွားခဲ့သောကြောင့် ဟိန်းထက်စိုး အား မင်္ဂလာဒုံမြို့မရဲစန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။