ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ငမိုးရိပ်ရပ်ကွက်၌ အဆောက်အအုံ မီးလောင်မှု

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ငမိုးရိပ်ရပ်ကွက်၌ အဆောက်အအုံ မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၂၂ ရက် နံနက် ၅ နာရီ ၂၅ မိနစ်ခန့်က ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ငမိုးရိပ်ရပ်ကွက်၌ ပိုင်ရှင် ဦးမျိုးမင်းထွန်း(၅၃)နှစ်၏ ၂၀ x ၆၀ ပေ၊ RCC နှစ်ခန်း၊ ခြောက်ထပ် အဆောက်အအုံပထမထပ် အခန်းအမှတ်(B1)ရှိ ၁၀ x ၅၈ ပေ၊ စက်ဘီးပစ္စည်း အဟောင်းများ ထားရှိသည့် အခန်းတွင် Air-Con Safeguard အပူလွန်ကဲရာမှ မီးစတင်လောင်ကျွမ်းမှု ဖြစ်ပွားကြောင်း သတင်းရရှိသဖြင့် သင်္ဃန်းကျွန်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ခုနစ်စီးဖြင့် မီးငြှိမ်းသတ်ခဲ့ရာ နံနက် ၅ နာရီ ၄၂ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ပိုင်ရှင် ဦးမျိုးမင်းထွန်း(မီးလောင်သေဆုံး)နှင့် ဦးခင်မောင်လင်း (၅၀)နှစ် မီးခိုးမွှန်(မစိုးရိမ်ရ)တို့အား သင်္ဃန်းကျွန်းမြို့နယ်ဆေးရုံသို့ ပို့ဆောင်ပေးခဲ့ကြောင်း၊ Air-Con Indoor အဟောင်း နှစ်လုံး၊ Air-Con Outdoor တစ်လုံး၊ Sound Box အဟောင်း တစ်လုံး၊ စက်ဘီး ပစ္စည်းအဟောင်းများ၊ စက်ဘီးတာယာများ မီးလောင်ဆုံးရှုံးခဲ့ကြောင်းနှင့် ဦးမျိုးမင်းထွန်း အား သင်္ဃန်းကျွန်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။