ရွှေသွေးဂျာနယ်ထွက်ရှိ

ရွှေသွေးဂျာနယ်ထွက်ရှိ

နေပြည်တော် မတ် ၁၃

ပြန်ကြားရေးဝန်ကြီးဌာန ပုံနှိပ်ရေးနှင့်ထုတ်ဝေရေးဦးစီးဌာန စာပေဗိမာန်ရုံးက အပတ်စဉ် စနေနေ့တိုင်း ရွှေသွေးဂျာနယ်ကို ထုတ်ဝေဖြန့်ချိလျက်ရှိသည်။

၁၅ - ၃ - ၂၀၂၅ ရက် (စနေနေ့) တွင် ထွက်ရှိမည့် ရွှေသွေးဂျာနယ်အတွဲ (၅၇)၊ အမှတ် (၁၁) တွင် ဖွေးဥတို့အတန်းက စတင်လိုက်သော အတန်းတွင်း စာကြည့်တိုက်လေးမှ ကျောင်းစာကြည့်တိုက်အထိ တိုးတက်လာသောကြောင့် ကျောင်းသား ကျောင်းသူများ ဗဟုသုတရရှိကာ ပျော်ရွှင်နေကြပုံအကြောင်း သရုပ်ဖော်ထားသည့် “ကျောင်းစာကြည့်တိုက်” မျက်နှာဖုံးကာတွန်း၊ မျက်စိနာခြင်းကို ဖြစ်စေနိုင်သည့် နည်းလမ်းများနှင့် မျက်စိကျန်းမာရေးအတွက် သတိထားဆောင်ရွက်နိုင်မည့် နည်းလမ်းကောင်းများအကြောင်း တင်ဆက်ထားသည့် “မျက်စိနာခြင်း” သုတဆောင်းပါးကဏ္ဍ၊ ကလေးတို့ကိုယ်တိုင် ပါဝင်ဆောင်ရွက်နိုင်မည့် ဉာဏ်စမ်းကဏ္ဍ၊ ကြီးလာလျှင် မျက်စိအထူးကုဆရာဝန်ကြီး လုပ်မည်ဆိုသော ဂျိုးဂျိုးနှင့် ကျန်းမာရေးဗဟုသုတများအကြောင်း သရုပ်ဖော်ထားသည့် “ ကီးကီ၊ ဂျိုးဂျိုးနှင့်ကျန်းမာရေး” နှစ်မျက်နှာကာတွန်း၊ မီးဖြင့် ဆော့ကစားမိသဖြင့် ဒုက္ခရောက်ရသော ပေတူးတို့ သူငယ်ချင်းတစ်စုအကြောင်းကို ဖတ်ရှုရမည့် “မီးမပေါ့ဆရ၊ မဆော့ရ” ဝတ္ထုကဏ္ဍ၊ ဉာဏ်စမ်းမေးခွန်းများ၏ အဖြေကို အချက်ကျကျပြန်လည်အဖြေပေးနိုင်သော ချက်ပုအကြောင်း သရုပ်ဖော်ထားသည့် “ချက်ပု- ပေါင်းမယ်၊ နုတ်မယ်” တစ်မျက်နှာကာတွန်း၊ ကားအရုပ်မျိုးစုံဖြင့် ကစားမည်ဆိုသော ကလေးငယ်တစ်ယောက်အကြောင်းရေးဖွဲ့ထားသည့် ဆရာမန်းတင့်မော်၏ “သားနှင့် ကားရုပ်များ” ကဗျာကဏ္ဍအပါအဝင် အင်္ဂလိပ်စာကဏ္ဍ၊ ရွှေသွေးတို့လက်ရာကဏ္ဍ ကဏ္ဍစုံစုံလင်လင်ဖြင့် ထွက်ရှိပြီဖြစ်ရာ တစ်စောင်လျှင် ငွေကျပ် ၄၀၀ ဖြင့် စာပေဗိမာန်စာအုပ် အရောင်းဆိုင်များတွင် ဝယ်ယူနိုင်ကြောင်း သိရသည်။

သတင်းစဉ်