ရှမ်းပြည်နယ်၊ ကျိုင်းတုံမြို့နယ်၊ လွိုင်ခိုက်ကျေးရွာ၌ နေအိမ် မီးလောင်မှု 

ရှမ်းပြည်နယ်၊ ကျိုင်းတုံမြို့နယ်၊ လွိုင်ခိုက်ကျေးရွာ၌ နေအိမ် မီးလောင်မှု 

     ၂၀၂၆ ခုနှစ်၊ ဖေဖော်ဝါရီ ၂၀ ရက် ည ၁၀ နာရီ ၅၅ မိနစ်ခန့်က ရှမ်းပြည်နယ်၊ ကျိုင်းတုံမြို့နယ်၊ လွိုင်ခိုက်ကျေးရွာ၌ ပိုင်ရှင် ဦးစိုင်းကျောက်(၆၂)နှစ်၏ ၃၀ x ၂၀ ပေ၊ အုတ်ကြွပ်မိုး၊ အုတ်ညှပ်၊ ပျဉ်ခင်း နှစ်ထပ် နေအိမ်တွင် လျှပ်စစ်မီးနှင့် မိန်းခုံဆက်သွယ်ထားသော ဝိုင်ယာကြိုးများ အပူလွန်ကဲပြီး အနီးရှိ မွေ့ယာခင်းပေါ်သို့ မီးပွားကျရာမှတစ်ဆင့် မီးကူးစက်လောင်ကျွမ်းမှုဖြစ်ပွားကြောင်း သတင်း ရရှိသဖြင့် ကျိုင်းတုံခရိုင်မီးသတ်စခန်းနှင့် ကျိုင်းတုံမြို့နယ်မီးသတ်စခန်းများမှ မီးသတ်တပ်ဖွဲ့ဝင် များသည် မီးသတ်ယာဉ် ငါးစီးဖြင့် မီးငြှိမ်းသတ်ခဲ့ရာ ည ၁၁ နာရီ ၂၀ မိနစ်တွင် မီးငြိမ်းခဲ့ပါသည်။ 
     အဆိုပါမီးလောင်မှုကြောင့် ၃၀ x ၂၀ ပေ၊ အုတ်ကြွပ်မိုး၊ အုတ်ညှပ်၊ ပျဉ်ခင်း နှစ်ထပ် နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် ဦးစိုင်းကျောက် အား ကျိုင်းတုံမြို့မရဲစခန်းမှ အမှုဖွင့်အရေးယူ ထားကြောင်း သတင်းရရှိပါသည်။