သမဝါယမလုပ်ငန်းများ ဖွံ့ဖြိုးတိုးတက်ရေးအတွက် ကွင်းဆင်းတွေ့ဆုံ

သမဝါယမလုပ်ငန်းများ ဖွံ့ဖြိုးတိုးတက်ရေးအတွက် ကွင်းဆင်းတွေ့ဆုံ

တောင်ကြီး ဇူလိုင် ၁၆

ရှမ်းပြည်နယ် သမဝါယမလုပ်ငန်းများ ဖွံ့ဖြိုးတိုးတက်ရေးအတွက် နွေစပါးစီမံကိန်းစိုက်ပျိုးလျက်ရှိသည့် “ခေါက်တိုင်းဟွမ်” လယ်ယာနှင့် အထွေထွေသမဝါယမအသင်းမှ အသင်းသားများ စိုက်ပျိုးထားရှိသည့် နွေစပါးရိတ်သိမ်းမှုအခြေအနေကို ပြည်နယ်ဦးစီးမှူး ညွှန်ကြားရေးမှူး ဦးကျော်မိုးတင့်က ကွင်းဆင်းကြည့်ရှုခဲ့သည်။

ဆက်လက်၍ ညွှန်ကြားရေးမှူးနှင့် တာဝန်ရှိသူများသည် ရှမ်းပြည်နယ် (တောင်ပိုင်း) ဆီဆိုင်မြို့နယ်ရှိအသင်းမှ လိုအပ်ချက်များကို သက်ဆိုင်ရာမြို့နယ် သမဝါယမအသင်းစု အမှုဆောင်အဖွဲ့နှင့် ပေါင်းစပ်ညှိနှိုင်းဆောင်ရွက်ပေးခဲ့ပြီး ဟိုပုံးမြို့နယ်ရှိ နွေစပါးစီမံကိန်းစိုက်ပျိုးသည့် “ဟန်လွဲ” စိုက်ပျိုးရေးနှင့် အထွေထွေလုပ်ငန်းသမဝါယမအသင်းမှ အသင်းသားတောင်သူများ စိုက်ပျိုးထားရှိသည့် စပါးခင်းကို ကွင်းဆင်းကြည့်ရှု၍ ပန်းတိုင်အထွက်နှုန်းပြည့်မီစေရေးနှင့် သမဝါယမအသင်း ဥပဒေ၊ နည်းဥပဒေ၊ လုပ်ထုံးလုပ်နည်း၊ ညွှန်ကြားချက်များနှင့်အညီ လုပ်ငန်းများလုပ်ကိုင်ဆောင်ရွက်သွားရန် လမ်းညွှန်မှာကြားခဲ့ကြောင်း သိရသည်။

သတင်းစဉ်