သမဝါယမဦးစီးဌာန ညွှန်ကြားရေးမှူးချုပ်ရုံး ညွှန်ကြားရေးမှူးနှင့်အဖွဲ့ မကွေးမြို့နှင့် မြို့သစ်မြို့နယ်အတွင်း သမဝါယမလုပ်ငန်းများ ကွင်းဆင်းကြည့်ရှု

သမဝါယမဦးစီးဌာန ညွှန်ကြားရေးမှူးချုပ်ရုံး ညွှန်ကြားရေးမှူးနှင့်အဖွဲ့ မကွေးမြို့နှင့် မြို့သစ်မြို့နယ်အတွင်း သမဝါယမလုပ်ငန်းများ ကွင်းဆင်းကြည့်ရှု

မကွေး မတ် ၂၅

သမဝါယမဦးစီးဌာန ညွှန်ကြားရေးမှူးချုပ်ရုံး ညွှန်ကြားရေးမှူး ဦးမျိုးအောင်သည် မကွေးတိုင်း ဒေသကြီးသမဝါယမဦးစီးဌာန တိုင်းဒေသကြီးဦးစီးမှူး ဦးမြင့်ဇော်ထွန်းနှင့် တာဝန်ရှိသူများ လိုက်ပါ၍ မကွေးမြို့၊ မြို့နယ်သမဝါယမအသင်းစုဆီစက်နှင့် မကွေးမြို့နယ် ရှားပင်လှ ကျေးရွာရှိ မကွေးတိုင်းဒေသကြီး သမဝါယမအသင်းစုချုပ်ပိုင် ဥစားကြက် မွေးမြူရေးလုပ်ငန်းနှင့်သမဝါယမထုတ်ကုန် အရောင်းဆိုင်တို့အား ကွင်းဆင်းကြည့်ရှုစစ်ဆေးသည်။

ထို့နောက် မကွေးမြို့နယ် ရှားပင်လှကျေးရွာရှိ သမဝါယမအသင်းစုချုပ်ပိုင် ရွှေတင့်တူး စိုက်ပျိုး မွေးမြူရေးဇုံအတွင်း သမဝါယမအသင်းစုချုပ်နှင့် သမဝါယမအသင်း များမှ ဒေသအတွင်း စားသုံးရန် လိုအပ်မှုအပေါ် ဖြည့်ဆည်းဆောင်ရွက်ပေးနေသည့် ကြက်မွေးမြူရေးခြံသို့ ကြည့်ရှုစစ်ဆေးခဲ့ပြီး တာဝန်ရှိ သူများ၏ ရှင်းလင်းဆွေးနွေးတင်ပြခဲ့မှု အပေါ်လိုအပ်သည်များ လမ်းညွှန် မှားကြားပြီးနောက် မကွေးမြို့နယ် သန်းတောကုန်းကျေးရွာရှိ မကွေးမြို့နယ် သမဝါယမအသင်းစု ဆီစက်သို့ ရောက်ရှိပြီး တာဝန်ရှိသူများက ဆီစက်လည်ပတ်မှုအခြေအနေ ကုန်ကြမ်းရရှိမှုနှင့် ကုန်ချော ထုတ်လုပ်မှု၊ ဖြန့်ဖြူးရောင်းချမှု အခြေအနေ များအား ရှင်းလင်းတင်ပြပြီး ညွှန်ကြားရေးမှူးနှင့်အဖွဲ့က ဆီစက်အတွင်းလှည့်လည်ကြည့်ရှုစစ်ဆေး၍ လုံလောက်သည့် ကုန်ကြမ်းသိုလှောင်နိုင်ရေးနှင့် လိုအပ်သည့် စက်များ ဝယ်ယူဆောင်ရွက်ရန် မှာကြားခဲ့ ကာ မကွေးမြို့ပေါ်ရှိ သမဝါယမထုတ်ကုန် အရောင်းဆိုင် အားကြည့်ရှုစစ်ဆေး၍ သမဝါယမအသင်း အချင်းချင်း ကွန်ယက်ချိတ်ဆက်ရောင်းချနိုင်ရေး ဆောင်ရွက်ရန် ဆွေးနွေးအကြံပြုခဲ့သည်။

ဆက်လက်ပြီး မြို့သစ်မြို့နယ် ယင်းနားကုန်း စိုက်/ထွေ သမဝါယမအသင်းသားတောင်သူများ၏ သက်တံရောင်စီမံကိန်းဖြင့် နွေစပါးစိုက်ဧက(၁၈၉)ဧကတွင် တစ်ဧကလျှင် (၃၀၄၅၀၀/-)နှုန်းတန်ဖိုးရှိသော သွင်းအားစုများ ပံ့ပိုးပေးထားသည့် နွေစပါး(အောင်နိုင်တိုး) စိုက်ခင်းများအား ကြည့်ရှုစစ်ဆေးခဲ့ပြီး ရွှေဖြိုးသာစိုက်/ထွေ သမဝါယမအသင်း၏ တန်(၃၀)ကျ ဆန်စက်လည်ပတ်နေမှုအား ကြည့်ရှုစစ်ဆေး၍ လိုအပ်သည်များ ပေါင်းစပ်ညှိနှိုင်း ဆောင်ရွက်ပေး ခဲ့ကြောင်း သိရသည်။

မောင်ခိုင်မင်း (ပြန်/ဆက်)

မကွေးတိုင်းဒေသကြီး