အကျဉ်းထောင်/စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာအသိပညာပေး ဟောပြောခြင်းနှင့် ကျန်းမာရေးစောင့်ရှောက်ပေးမှုများ ပြုလုပ်

အကျဉ်းထောင်/စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာအသိပညာပေး ဟောပြောခြင်းနှင့် ကျန်းမာရေးစောင့်ရှောက်ပေးမှုများ ပြုလုပ်

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/စခန်းအသီးသီး၌ ကျန်းမာရေးဦးစီးဌာန၊ သက်ဆိုင်ရာ ခရိုင်၊ မြို့နယ်များရှိ ကျန်းမာရေးအဖွဲ့များနှင့်ပူးပေါင်း၍ လစဉ်ကျန်းမာရေးစောင့်ရှောက်ပေးမှု လုပ်ငန်းများ ဆောင်ရွက်ပေးလျက်ရှိရာ ၂၀၂၆ ခုနှစ်၊ ဇန်နဝါရီ ၁၅ ရက်တွင် တနင်္သာရီတိုင်းဒေသကြီး၊ ထားဝယ်ပြည်သူ့ဆေးရုံကြီးမှ ဒေါက်တာ ဇင်လင်းထိုက်သည် ထားဝယ်အကျဉ်းထောင်မှ အကျဉ်းသား/ အကျဉ်းသူ ၃၇ ဦးအား လည်းကောင်း၊ ဇန်နဝါရီ ၁၈ ရက်တွင် ထားဝယ်ပြည်သူ့ဆေးရုံကြီးမှ ဒေါက်တာ ဖြိုးဝေလင်းသည် ထားဝယ်အကျဉ်းထောင်မှ အကျဉ်းသား ၂၇ ဦးအား လည်းကောင်း၊ ဇန်နဝါရီ ၂၀ ရက်တွင် ကော့သောင်းပြည်သူ့ဆေးရုံကြီးမှ ဒေါက်တာ စစ်နိုင်အောင်သည် ကော့သောင်း အကျဉ်းထောင်မှ အကျဉ်းသား ၁၅ ဦးအား လည်းကောင်း။

     အလားတူ ဇန်နဝါရီ ၁၆ ရက်တွင် ဧရာဝတီတိုင်းဒေသကြီး၊ ဟင်္သာတခရိုင်ပြည်သူ့ဆေးရုံကြီးမှ ခရိုင်ပြည်သူ့ကျန်းမာရေးဦးစီးဌာနမှူး ဒေါက်တာ နေခြည်ထက်ထက်လင်းအောင် ဦးဆောင်သော အဖွဲ့ဝင် ၁၁ ဦး တို့သည် ဟင်္သာတအကျဉ်းထောင်မှ အကျဉ်းသား/အကျဉ်းသူ ၁၀၇ ဦး၊ အချုပ်သား ၂ ဦး၊ စုစုပေါင်း ၁၀၉ ဦးအား လည်းကောင်း၊ ဇန်နဝါရီ ၁၇ ရက်တွင် ဟင်္သာတအကျဉ်းထောင်မှ အကျဉ်းသား/ အကျဉ်းသူ ၁၉ ဦး၊ အချုပ်သား/အချုပ်သူ ၁၂ ဦး၊ စုစုပေါင်း ၃၁ ဦးအား လည်းကောင်း ကျန်းမာရေးဆိုင်ရာ အသိပညာပေးဟောပြောခြင်းနှင့် ကျန်းမာရေးစောင့်ရှောက်မှုများ ပြုလုပ်ပေးခဲ့ကြောင်း သတင်းရရှိပါသည်။