အမှုထမ်းအဆင့်ရာထူးနေရာများအတွက် ရေးဖြေစားမေးပွဲကျင်းပ

အမှုထမ်းအဆင့်ရာထူးနေရာများအတွက် ရေးဖြေစားမေးပွဲကျင်းပ

နေပြည်တော်၊ အောက်တိုဘာ ၂၈

          သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန အနေဖြင့် ၂၀၂၄-၂၀၂၅ ဘဏ္ဍာရေးနှစ်အတွက် လစ်လပ်လျက်ရှိသော အမှုထမ်းအဆင့် (၅၉)နေရာ အတွက် ရေးဖြေစာမေးပွဲ ဖြေဆိုခြင်းကို ယနေ့ နံနက်ပိုင်းက အဆိုပါ ဦးစီးဌာန၌ ကျင်းပသည်။

          အမှုထမ်းအဆင့်ရာထူးနေရာများအတွက် ရေးဖြေစားမေးပွဲ ဖြေဆိုနေစဉ် အသေးစားစက်မှု လက်မှုလုပ်ငန်းဦးစီးဌာန ဒုတိယညွှန်ကြားရေးမှူးချုပ်(စီမံ)က စာမေးပွဲခန်းသို့ လာရောက်ကြည့်ရှု စစ်ဆေးပြီး စာမေးပွဲဖြေဆိုနေသူများအား စာမေးပွဲစည်းကမ်းများနှင့်အညီ ဖြေဆိုသွားကြရန်နှင့် ရိုးသားကြိုးစားစွာဖြင့် ဖြေဆိုကြရန် မှာကြားခဲ့ပါသည်။

          အသေးစားစက်မှုလက်မှုလုပ်ငန်းဦးစီးဌာနတွင် လစ်လပ်လျက်ရှိသော အမှုထမ်း (၅၉)ဦး နေရာအတွက် ဩဂုတ်လ ၈ ရက်နေ့တွင် နိုင်ငံပိုင် သတင်းစာများမှ ကြော်ငြာခေါ်ယူခဲ့ရာ ဒုတိယ ဦးစီးမှူးနှင့် အဆင့်တူရာထူးများအတွက် လျှောက်ထားသူ (၆၄)ဦး၊ အငယ်တန်းစာရေးနှင့်အဆင့်တူ ရာထူးများအတွက် လျှောက်ထားသူ (၅၈)ဦး နှင့် ယာဉ်မောင်း (၅) ရာထူးအတွက် လျှေက်ထားသူ (၈)ဦး စုစုပေါင်းလျှောက်ထားသူ (၁၃၀) ဦး ရှိပြီး လာရောက်ဖြေဆိုသူ စုစုပေါင်း (၉၇) ဦး ရှိကြောင်း သတင်းရရှိပါသည်။