သတင်းများ

ပြန်ကြားရေးဝန်ကြီးဌာန / Posted on June 05, 2026

အင်ဒိုနီးရှားနိုင်ငံ၌ အိမ်ရှင်အဖြစ် လက်ခံကျင်းပလျက်ရှိသည့် ASEAN U19 BOYS’ BANK SUMUT CHAMPIONSHIP 2026 ပြိုင်ပွဲ အုပ်စု(A)၏ ဒုတိယမြောက်ပွဲစဉ်ကို ယနေ့ညနေပိုင်းတွင် Sumatera Utara အားကစားကွင်း၌ကျင်းပရာ ဗီယက်နမ် ယူ-၁၉ အသင်းက မြန်မာ ယူ-၁၉ အသင်းကို ငါးဂိုးပြတ်ဖြင့် အနိုင်ရရှိခဲ့သည်။ မြန်မာယူ-၁၉ အသင်းသည် အဖွင့်ပွဲစဉ်၌လည်း အိမ်ရှင် အင်ဒိုနီးရှားအသင်းကို သုံးဂိုးပြတ်ဖြင့် ရှုံးနိမ့်ခဲ့သည်။ ယနေ့ပွဲတွင် ဗီယက်နမ် ယူ-၁၉ အသင်းအနေဖြင့် မြန်မာ ယူ-၁၉ အသင်းအားငါးဂိုးပြတ် အနိုင်ရရှိခဲ့ခြင်းကြောင့် အကြိုဗိုလ်လုပွဲတက်ရန် သေချာသလောက် ရှိသွားပြီဖြစ်သည်။

ပြန်ကြားရေးဝန်ကြီးဌာန / Posted on June 05, 2026

တိုင်းဒေသကြီးနှင့် ပြည်နယ်များမှ တိုင်းရင်းသားစာပေနှင့် ယဉ်ကျေးမှုအသင်းအဖွဲ့များ၊ အုပ်ချုပ်သူများနှင့် တာဝန်ရှိသူများသည် ယနေ့နံနက်ပိုင်းတွင် နေပြည်တော်ရှိ အထင်ကရနေရာများကို သွားရောက်လေ့လာကြသည်။

ပြန်ကြားရေးဝန်ကြီးဌာန / Posted on June 05, 2026

အားကစားရေးရာဝန်ကြီးဌာန ဒုတိယဝန်ကြီးဦးညီညီသည် ယမန်နေ့နံနက်ပိုင်းက မန္တလေးတိုင်းဒေသကြီးအတွင်းရှိ အားကစားကွင်း/ အားကစားရုံများနှင့် Football For School အစီအစဉ်အရ ဘောလုံးအပါအဝင် အခြားသောအားကစားနည်းများ၏ အခြေခံအားကစားသင်တန်း ဖွင့်လှစ်သင်ကြား ပို့ချလေ့ကျင့်ပေးနေမှုအခြေအနေများကို လိုက်လံကြည့်ရှုစစ်ဆေးသည်။

ပြန်ကြားရေးဝန်ကြီးဌာန / Posted on June 05, 2026

တနင်္သာရီတိုင်းဒေသကြီး ကျွန်းစုမြို့ရှိ နယ်မြေခံသင်တန်းကျောင်း၌ ဖွင့်လှစ်သင်ကြားလျက်ရှိသည့် ပြည်သူ့စစ်မှုထမ်းသင်တန်း အမှတ်စဉ်(၂၅) သင်တန်းမှ နိုင်ငံ့သားကောင်း သင်တန်းသားများအား ယနေ့နံနက်ပိုင်းတွင် ကမ်းရိုးတန်းဒေသတိုင်းစစ်ဌာနချုပ်တိုင်းမှူး ဗိုလ်ချုပ်ကျော်ကျော်ဟန်နှင့် တာဝန်ရှိသူများက သွားရောက်တွေ့ဆုံသည်။

ဧရာဝတီတိုင်းဒေသကြီးအစိုးရအဖွဲ့ / Posted on June 05, 2026

ဧရာဝတီတိုင်းဒေသကြီး ဆောက်လုပ်ရေးဆိုင်ရာလုပ်ငန်းရှင်များအသင်းနှင့် မိတ်ဆက် ခြင်းအခမ်းအနားကို ယနေ့မွန်းလွဲပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေး ခန်းမ (၁)တွင် ပြုလုပ်ခဲ့ရာ အခမ်းအနားသို့ တိုင်းဒေသကြီးဝန်ကြီးချုပ်ဦးအေးကျော်၊ တိုင်းဒေသကြီး အစိုးရအဖွဲ့ဝင်များ၊ ဌာနဆိုင်ရာများနှင့် တိုင်းဒေသကြီး ဆောက်လုပ်ရေးဆိုင်ရာလုပ်ငန်းရှင်များအသင်းမှ တာဝန်ရှိသူများ တက်ရောက်ခဲ့ကြသည်။

ပြန်ကြားရေးဝန်ကြီးဌာန / Posted on June 05, 2026

အဝတ်အထည်ချုပ်လုပ်မှုကာလတိုတစ်လသင်တန်း အမှတ်စဉ်(၃) သင်တန်းဆင်းပွဲအခမ်းအနားကို ယနေ့နံနက်ပိုင်းတွင် မန္တလေးတိုင်းဒေသကြီး မန္တလေးမြို့ရှိ အမှတ်(၂) စက်မှုသင်တန်း ကျောင်း(မန္တလေး)သင်တန်းကျောင်းခန်းမ၌ ကျင်းပသည်။

ပြန်ကြားရေးဝန်ကြီးဌာန / Posted on June 05, 2026

လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်သည် ယနေ့နံနက်ပိုင်းတွင် ဧရာဝတီတိုင်းဒေသကြီး မြောင်းမြမြို့ရှိ အမှတ်(၁)အခြေခံပညာအထက်တန်းကျောင်း၌ မြောင်းမြမြို့နယ်ဦးစီးမှူးရုံးမှ ဝန်ထမ်းများက အသက် ၁၀ နှစ်ပြည့်ပြီး နိုင်ငံသားစိစစ်ရေးကတ် မရရှိသေးသည့် ကျောင်းသား ကျောင်းသူများအား လမင်းစီမံချက်ဖြင့် နိုင်ငံသားစိစစ်ရေးကတ်နှင့် UID ကတ် ထုတ်ပေးခြင်းလုပ်ငန်းဆောင်ရွက်နေမှုကို ကြည့်ရှုအားပေးသည်။

ပြန်ကြားရေးဝန်ကြီးဌာန / Posted on June 05, 2026

၄ -၆-၂၀၂၆ ရက်နေ့တွင် မြန်မာနိုင်ငံနှင့်ဥရောပအာရှစီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများ အစည်းအဝေးကို ကျင်းပရာ ပူးတွဲဥက္ကဋ္ဌများဖြစ်ကြသည့် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးနှင့် ဥရောပအာရှစီးပွားရေးကော်မရှင်၊ မေခရို(အကြီးစား) စီးပွားရေးနှင့်ပေါင်းစည်းရေးဝန်ကြီး Mr. Danilar Imanaliev တို့က ဦးဆောင်၍ ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ တတိယအကြိမ် အစည်းအဝေးကျင်းပရေး၊ အာဆီယံမူဘောင်အတွင်း ပူးပေါင်းဆောင်ရွက်မှု ဖွံ့ဖြိုးတိုးတက်ရေးတို့နှင့်စပ်လျဉ်း၍ ဆွေးနွေးခဲ့သည်။

ပြန်ကြားရေးဝန်ကြီးဌာန / Posted on June 05, 2026

ရှေးဟောင်းဝတ္ထု ပစ္စည်းများလာရောက်အပ်နှံခြင်းအတွက် ဂုဏ်ပြုအခမ်းအနားကို ယနေ့မွန်းလွဲပိုင်းတွင် အမျိုးသားပြတိုက်(နေပြည်တော်)၌ကျင်းပရာ ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာနမှ ပြည်ထောင်စုဝန်ကြီး ဦးမောင်မြင့်၊ ဒုတိယဝန်ကြီးများ ဖြစ်ကြသည့် ဦးအေးထွန်းနှင့် ဦးဖြိုးဇော်စိုး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ အရာထမ်း၊ အမှုထမ်းများနှင့် ရှေးဟောင်းဝတ္ထု ပစ္စည်းအပ်နှံသူများ တက်ရောက်ကြသည်။

ပြန်ကြားရေးဝန်ကြီးဌာန / Posted on June 05, 2026

​​​​​​​နိုင်ငံတစ်ဝန်း၌ ယဉ်ကျေးလိမ္မာသင်တန်းနှင့် ဓမ္မစကူးလ်များမှ မြတ်ဗုဒ္ဓ၏ ဖြစ်စဉ်သမိုင်းနှင့် ၅၅၀ နိပါတ်တော်များအား သိရှိနားလည်စေရန် ဆရာတော်သံဃာတော်များက နွေရာသီသင်တန်းများဖွင့်လှစ်၍ သင်ကြားပေးလျက်ရှိပါသည်။ လူငယ်၊ လူရွယ်များအား ဗုဒ္ဓဘာသာဝင်များဖြစ်သည်နှင့်အညီ မြတ်ဗုဒ္ဓ၏ တရားဓမ္မများ၊ အလယ်အလတ်လမ်းစဉ်၊ ဝိပဿနာတရား၊ မေတ္တာဓာတ် ကြီးမားမှုနှင့် မိမိကိုယ်တိုင်တည်ဆောက် ကျင့်ကြံမှသာ သံသရာမှလွတ်မြောက်နိုင်မည့် အခြေခံတရားများနှင့် ဗုဒ္ဓသမိုင်းကြောင်းကို သိရှိနားလည်စေရန် ဗုဒ္ဓဝင်ပြိုင်ပွဲများကို ကျင်းပပေးလျက်ရှိရာ ယခုနှစ်တွင် နိုင်ငံတစ်ဝန်းမှ ဝင်ရောက်ယှဉ်ပြိုင်ကြသည့် သုတစုံလင်ဗုဒ္ဓဝင်ပြိုင်ပွဲ၌ ဗုဒ္ဓဘာသာဝင်ကောင်းတစ်ဦး ပီသစွာခက်ခဲသည့်မေးခွန်းများကို အခက်အခဲမရှိ အောင်မြင်စွာဖြေဆိုနိုင်မှုဖြင့် ပထမဆုရရှိခဲ့သည့် မအိမ့်ချစ်သူ၏ ဝမ်းသာပီတိ ရင်တွင်းစကားသံများကို ဖော်ပြလိုက်ပါသည် -