ကချင်ပြည်နယ်၊ မြစ်ကြီးနားမြို့နယ်၌ လိုင်စင်မဲ့ မော်တော်ယာဉ် နှစ်စီး ဖမ်းဆီးရမိ

ကချင်ပြည်နယ်၊ မြစ်ကြီးနားမြို့နယ်၌ လိုင်စင်မဲ့ မော်တော်ယာဉ် နှစ်စီး ဖမ်းဆီးရမိ

     ကချင်ပြည်နယ်၊ မြစ်ကြီးမြို့နယ်၌ ၂၀၂၅ ခုနှစ်၊ ဇွန် ၁၂ ရက်က လိုင်စင်မဲ့ မော်တော်ယာဉ် နှစ်စီးအား ဖမ်းဆီးအရေးယူထားကြောင်း သိရသည်။
     ဖြစ်စဉ်မှာ ဇွန် ၁၂ ရက် နံနက် ၁၂ နာရီ ၄၀ မိနစ်တွင် မြစ်ကြီးနားမြို့နယ်၊ မြစ်ကြီးနားမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က မြစ်ကြီးနားမြို့၊ ဒူကထောင်ရပ်ကွက်၊ မေတ္တာလမ်းနှင့် ဒူးဝါးလမ်းဆုံ၌ ယာဉ်စစ်ပိတ်ဆို့စစ်ဆေးခြင်းများ ဆောင်ရွက်နေစဉ် မြစ်ကြီးနားမြို့၊ တပ်ကုန်းရပ်ကွက်နေ ဇွဲမာန်ပြည့်(၂၈)နှစ် မောင်းနှင်လာသည့် MDY-18 5M/XXXX TOYOTA CROWN အဖြူရောင်မော်တော်ယာဉ်နှင့် တပ်ကုန်းရပ်ကွက်နေ မုန်ချွန်(၃၀)နှစ် မောင်းနှင်လာသည့် MDY 6G/XXXX HONDA FIT မော်တော်ယာဉ်တို့အား ရပ်တန့်စစ်ဆေးခဲ့ရာ အဆိုပါယာဉ်များနှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ယာဉ်များဖြစ် ကြောင်း စစ်ဆေးတွေ့ရှိရသဖြင့် ဇွဲမာန်ပြည့်နှင့် မုန်ချွန်တို့ နှစ်ဦးအား မြစ်ကြီးနားမြို့မရဲစခန်း၌ ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီး အမှုဖွင့်အရေးယူထားကြောင်း သတင်းရရှိပါသည်။