စစ်ကိုင်းတိုင်းဒေသကြီး၊ ရွှေဘိုမြို့နယ်၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

နောက်ဆုံးရသတင်းများ
သတင်းစာများ

စစ်ကိုင်းတိုင်းဒေသကြီး၊ ရွှေဘိုမြို့နယ်၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

ပြည်ထဲရေးဝန်ကြီးဌာန/ နေပြည်တော် / September 16, 2025

၂၀၂၅ ခုနှစ်၊ စက်တင်ဘာ ၁၅ ရက်က စစ်ကိုင်းတိုင်းဒေသကြီး၊ ရွှေဘိုမြို့နယ်၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူထားကြောင်း သိရသည်။

ဖြစ်စဉ်မှာ စက်တင်ဘာ ၁၅ ရက် မွန်းလွဲ ၂ နာရီ ၅ မိနစ်တွင် စစ်ကိုင်းတိုင်းဒေသကြီး၊ ရွှေဘိုမြို့နယ်၊ အမှတ်(၁၁၆)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် အမှတ်(၁၀)ရပ်ကွက်၌ ယာဉ်စစ်ဆေးခြင်းများ ဆောင်ရွက်နေစဉ် လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူ ရွှေဘိုမြို့နယ်၊ မင်းရွာနေ ဝေယံထက်(၂၀)နှစ်၊ အမှတ်(၁၀)ရပ်ကွက်နေ ကိုဝင်း(၃၈)နှစ်၊ အောင်မြင့်မြတ်(၃၀)နှစ်၊ ဒေါ်ခိုင်ငြိမ်းထွန်း(၃၇)နှစ်နှင့် မြောင်းကြီးကျေးရွာနေ ထွန်းခိုင် (၄၈)နှစ်တို့အား လိုင်စင်မဲ့ မော်တော်ဆိုင်ကယ်များနှင့်အတူ ဖမ်းဆီးရမိခဲ့သဖြင့် ဝေယံထက်ပါ ငါးဦးအား ရွှေဘိုမြို့မရဲစခန်း၌ ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီးအမှုဖွင့်အရေးယူထားကြောင်း သတင်းရရှိပါသည်။