ဒုတိယဝန်ကြီး ဦးရဲတင့် အင်းစိန်မြို့နယ်ရှိ ပုံနှိပ်ရေးနှင့် ထုတ်ဝေရေးဦးစီးဌာန စာပေဗိမာန်ပုံနှိပ်စက်ရုံ၊ အောင်ဆန်းပုံနှိပ်စက်ရုံနှင့် ဂျီတီစီ ပုံနှိပ်စက်ရုံများ ကြည့်ရှုစစ်ဆေး

ဒုတိယဝန်ကြီး ဦးရဲတင့် အင်းစိန်မြို့နယ်ရှိ ပုံနှိပ်ရေးနှင့် ထုတ်ဝေရေးဦးစီးဌာန စာပေဗိမာန်ပုံနှိပ်စက်ရုံ၊ အောင်ဆန်းပုံနှိပ်စက်ရုံနှင့် ဂျီတီစီ ပုံနှိပ်စက်ရုံများ ကြည့်ရှုစစ်ဆေး

ရန်ကုန် နိုဝင်ဘာ ၇

ပြန်ကြားရေးဝန်ကြီးဌာန ဒုတိယဝန်ကြီး ဦးရဲတင့်သည် ယမန်နေ့မွန်းလွဲပိုင်းက အင်းစိန်မြို့နယ်ရှိ ပုံနှိပ်ရေးနှင့် ထုတ်ဝေရေးဦးစီးဌာန စာပေဗိမာန်ပုံနှိပ်စက်ရုံ၊ အောင်ဆန်းပုံနှိပ်စက်ရုံနှင့် ဂျီတီစီ ပုံနှိပ်စက်ရုံများကို သွားရောက်ကြည့်ရှုစစ်ဆေးသည်။

ကျောင်းသုံးစာအုပ်များ၊ ဌာနဆိုင်ရာများမှအပ်နှံသည့် ပုံနှိပ်လုပ်ငန်းများ ပုံနှိပ်ထုတ်လုပ်နေမှုကို ကြည့်ရှုစစ်ဆေးပြီး ပုံနှိပ်အရည်အသွေးကောင်းမွန်ရေး၊ ကုန်ကြမ်းပစ္စည်းများ အလေအလွင့်မရှိစေရေး၊ ပုံနှိပ်လုပ်ငန်းများ အချိန်မီပြီးစီးရေး၊ စက်ပစ္စည်းများမပျက်စီးအောင် စနစ်တကျ ကိုင်တွယ်အသုံးပြုရေးနှင့် ကြံ့ခိုင်မှုပုံမှန်ထိန်းသိမ်းခြင်းနှင့် စစ်ဆေးခြင်းများပြုလုပ်ရေး၊ လုပ်ငန်းခွင် အန္တရာယ်မဖြစ်ပေါ်စေရေးတို့ကို မှာကြားသည်။

ထို့နောက် ပစ္စည်းသိုလှောင်ခန်းများကို ကြည့်ရှုစစ်ဆေးပြီး ကုန်ကြမ်းပစ္စည်းများ စနစ်တကျ တွက်ချက်ဝယ်ယူရေး၊ နှစ်ကြာမြင့်စွာ သိုလှောင်သိမ်းဆည်းထားခြင်းမျိုးမဟုတ်ဘဲ စောစီးစွာ ရောက်နေသည့် ကုန်ကြမ်းများကို ဦးစားပေးအသုံးပြုနိုင်ရေး၊ ကုန်ကြမ်းများ၊ ပျက်စီးလေလွင့်မှု မရှိစေရေး၊ မီးဘေးအန္တရာယ် သတိပြုရေးနှင့် စက်ရုံလုံခြုံရေးကို ဂရုပြုရန်တို့ကို မှာကြားခဲ့သည်။

သတင်းစဉ်