နိုင်ငံ့စီးပွားမြှင့်တင်ရေးနှင့် အကျုံးမဝင်သည့် တောင်သူများအား ဓာတ်မြေဩဇာများတိုက်ရိုက်သက်သာစွာဖြန့်ဖြူးနိုင်ရေး တိုင်းဒေသကြီးအစိုးရအဖွဲ့နှင့် ဓာတ်မြေဩဇာကုမ္ပဏီများ စာချုပ်ချုပ်ဆိုပွဲအခမ်းအနား တိုင်းဒေသကြီးဝန်ကြီးချုပ်တက်ရောက်

နိုင်ငံ့စီးပွားမြှင့်တင်ရေးနှင့် အကျုံးမဝင်သည့် တောင်သူများအား ဓာတ်မြေဩဇာများတိုက်ရိုက်သက်သာစွာဖြန့်ဖြူးနိုင်ရေး တိုင်းဒေသကြီးအစိုးရအဖွဲ့နှင့် ဓာတ်မြေဩဇာကုမ္ပဏီများ စာချုပ်ချုပ်ဆိုပွဲအခမ်းအနား တိုင်းဒေသကြီးဝန်ကြီးချုပ်တက်ရောက်

ပုသိမ် အောက်တိုဘာ ၂၄

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊ ဧရာရွှေဝါခန်းမတွင်ပြုလုပ်သည့် နိုင်ငံ့စီးပွားမြှင့်တင်ရေးနှင့် အကျုံးမဝင်သည့် တောင်သူများအား ဓာတ်မြေဩဇာများ တိုက်ရိုက် သက်သာစွာ ဖြန့်ဖြူးနိုင်ရေး တိုင်းဒေသကြီးအစိုးရအဖွဲ့နှင့် ဓာတ်မြေဩဇာ ကုမ္ပဏီများ စာချုပ်ချုပ်ဆိုပွဲအခမ်းအနားသို့ တက်ရောက်ခဲ့ပြီး တိုင်းဒေသကြီးဝန်ကြီးချုပ်က “တောင်သူများအား နိုင်ငံ့စီးပွားမြှင့်တင်ရေး ရန်ပုံငွေဖြင့် သွင်းအားစုများ ပေးအပ်ခြင်း၊ နိုင်ငံ့စီးပွားမြှင့်တင်ရေးနှင့် အကျုံးမဝင်သည့် တောင်သူများအား ဓာတ်မြေဩဇာများ တိုက်ရိုက်သက်သာစွာ ဖြန့်ဖြူးပေးခြင်းဖြင့် ပန်းတိုင် အထွက်နှုန်းရရှိရေးအတွက် များစွာအထောက်အပံ့ရမည်ဖြစ်ကြောင်း၊ တောင်သူများ၏ လက်ဝယ်သို့ သွင်းအားစုများ အချိန်မီပေးအပ်ရန်လိုအပ်မည်ဖြစ်ပြီး သက်ဆိုင်ရာ တာဝန်ရှိသူများက ကြပ်မတ်ဆောက်ရွက်ရန်လိုပါကြောင်း၊ တောင်သူများကလည်း သတ်မှတ်ကာလအတွင်း သွင်းအားစုနှင့်ညီမျှသည့် သီးနှံများပြန်လည်ပေးသွင်းရန် လိုအပ်မည်ဖြစ်ပါကြောင်းနှင့် အချိန်မီပေးသွင်းနိုင်ရေးအတွက် တာဝန်ရှိသူများက စနစ်တကျ စီမံဆောင်ရွက်ရန် လိုအပ်မည်ဖြစ်ပါကြောင်း၊ တောင်သူများကလည်း သွင်းအားစုများကို အကျိုးရှိစွာသုံးစွဲရန် လိုအပ်မည်ဖြစ်ပါကြောင်း၊ တောင်သူများအား ဓာတ်မြေဩဇာ များ တိုက်ရိုက် သက်သာစွာ ဖြန့်ဖြူးနိုင်ရေးအတွက် ပါဝင်ဆောင်ရွက် စာချုပ်ချုပ်ဆိုခဲ့သည့် ကုမ္ပဏီများ ကိုလည်း ကျေးဇူးတင်ရှိပါကြောင်း” အမှာစကားပြောကြားသည်။

ဆက်လက်၍ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ တိုင်းဒေသကြီးဦးစီးမှူးက ဩဂုတ်လအတွက် ဓာတ်မြေဩဇာများဖြန့်ဖြူးရရှိမှု၊ တောင်သူများထံဖြန့်ဖြူးပြီးစီးမှု၊ စက်တင်ဘာလအတွက် ဓာတ်မြေဩဇာများ ဝယ်ယူဖြန့်ဖြူးမှုစာရင်းကို ရှင်းလင်းတင်ပြခဲ့ပြီးဓာတ်မြေဩဇာသွင်းအားစု ကုမ္ပဏီများကိုယ်စား တာဝန်ရှိသူတစ်ဦးက သွင်းအားစု ဓာတ်မြေဩဇာ စတင်ဖြန့်ဖြူးပေးနိုင်မည့် အခြေအနေများကိုလည်းကောင်း ရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်က လိုအပ်သည်များကိုဖြည့်စွက် ဆွေးနွေးခဲ့ကြောင်းသိရသည်။