နောင်ချို၊ မိုးမိတ်နှင့်မိုးကုတ်တို့တွင် လုံခြုံရေးတပ်ဖွဲ့ဝင်များ၏ တိုက်ခိုက်မှုကြောင့် ပြည်သူ ၁၇ ဦး သေဆုံးပြီး ၄၁ ဦး ဒဏ်ရာရခဲ့ကြောင်း သတင်းအမှားများဖြန့်ဝေလျက်ရှိ

နောင်ချို၊ မိုးမိတ်နှင့်မိုးကုတ်တို့တွင် လုံခြုံရေးတပ်ဖွဲ့ဝင်များ၏ တိုက်ခိုက်မှုကြောင့် ပြည်သူ ၁၇ ဦး သေဆုံးပြီး ၄၁ ဦး ဒဏ်ရာရခဲ့ကြောင်း သတင်းအမှားများဖြန့်ဝေလျက်ရှိ

နေပြည်တော် မတ် ၁၁

ရှမ်းပြည်နယ် (မြောက်ပိုင်း) နောင်ချိုမြို့၊ မိုးမိတ်မြို့နှင့် မန္တလေးတိုင်းဒေသကြီး မိုးကုတ်မြို့နယ်တို့တွင် မတ် ၅ ရက်မှ ၇ ရက်အတွင်း လုံခြုံရေးတပ်ဖွဲ့ဝင်များ၏ တိုက်ခိုက်မှုများကြောင့် ပြည်သူ ၁၇ ဦး သေဆုံးပြီး ၄၁ ဦး ဒဏ်ရာရရှိခဲ့ကာ အဆောက်အအုံ ၈၅ လုံး ပျက်စီးခဲ့ကြောင်း ပြည်ဖျက်မီဒီယာများက ဝါဒဖြန့်ဝေနေသည်ကို တွေ့ရှိရသည်။

အဆိုပါ သတင်းနှင့်ပတ်သက်၍ နယ်မြေခံတာဝန်ရှိသူများ၏ ဖြေကြားချက်အရ လုံခြုံရေးတပ်ဖွဲ့ဝင်အနေဖြင့် အဆိုပါနယ်မြေများအတွင်း ခိုအောင်းလှုပ်ရှားလျက်ရှိသည့် အကြမ်းဖက်သမားများ၏ သတင်းများကို တာဝန်သိ ပြည်သူများ၏ အတိအကျသတင်းပေးမှုများအရ လိုအပ်သည့် လုံခြုံရေးလုပ်ငန်းများကိုသာ လုပ်ဆောင်လျက်ရှိကြောင်း၊ အကြမ်းဖက်သမားများအနေဖြင့် ၎င်းတို့အား မထောက်ခံသော ရဟန်းရှင်လူပြည်သူများအား လက်နက်အားကိုးဖြင့် အကြောင်းမဲ့ ပစ်ခတ်သတ်ဖြတ်ခြင်း၊ ကျေးရွာများအားမီးရှို့ခြင်း၊ လက်နက်ကြီးများဖြင့် အကြောင်းမဲ့ရမ်းသန်း ပစ်ခတ်ခြင်းများကို အဆိုပါနယ်မြေတွင် လုပ်ဆောင်လျက်ရှိကြောင်း သိရှိရသည်။

ထိုသို့ အကြမ်းဖက်သမားများ၏ လုပ်ရပ်များကို ဖုံးကွယ်ရန်နှင့် လုံခြုံရေးတပ်ဖွဲ့ဝင်များအပေါ် ပြည်သူများ အထင်အမြင်လွဲမှားစေရန်အတွက် မြို့ရွာများတွင် လုံခြုံရေးတပ်ဖွဲ့များက မီးရှို့ခြင်း၊ လက်နက်ကြီးများဖြင့် ပစ်ခတ်ခဲ့ခြင်းကြောင့် ပြည်သူများထိခိုက်သေဆုံးရသည်ဟု တစ်ဖက်သတ် စွပ်စွဲရေးသားထားသည့် သတင်းတု သတင်းမှားများကိုသာ ရည်ရွယ်ချက်ရှိရှိ လှုံ့ဆော်ဝါဒဖြန့် နေခြင်းသာဖြစ်ကြောင်း သတင်းရရှိသည်။              

သတင်းစဉ်