ပဲခူးတိုင်းဒေသကြီး၊ တောင်ငူမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ တောင်ငူမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဧပြီ ၉ ရက်က ပဲခူးတိုင်းဒေသကြီး၊ တောင်ငူမြို့၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
    ဖြစ်စဉ်မှာ ဧပြီ ၉ ရက် မွန်းလွဲ ၂ နာရီတွင် ပဲခူးတိုင်းဒေသကြီး၊ တောင်ငူမြို့နယ်၊ အမှတ်(၂၂) ရပ်ကွက်၊ ရန်ကုန်-မန္တလေးလမ်းဟောင်း မင်္ဂလာလမ်းဆုံမီးပွိုင့်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁၂)ယာဉ်ထိန်းရဲတပ်ဖွဲ့စု(တောင်ငူ)မှ တပ်ဖွဲ့ဝင်များက သွားရောက်စစ်ဆေးခဲ့ရာ မင်္ဂလာလမ်းသွယ်မှ တောင်ငူမြို့နယ်၊ အိုင်သုံးဆင့်ကျေးရွာနေ ဦးကျော်စွာဝင်း(၄၄)နှစ် မောင်းနှင်ပြီး ဇနီးဖြစ်သူ ဒေါ်မေသဲဖြူ(၄၂)နှစ် လိုက်ပါလာသည့် ၅၉ယ-XXXX SHAYAN ဆိုင်ကယ်သည် အခင်းဖြစ်နေရာအရောက်၌ ရန်ကုန်-မန္တလေးလမ်းဟောင်းအား အရှေ့မှအနောက်သို့ မောင်းနှင် ဖြတ်ကူးစဉ် ရန်ကုန်-မန္တလေးလမ်းဟောင်းအတိုင်း နေပြည်တော်မှ အုတ်တွင်းမြို့ဘက်သို့ ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ အမှတ်(၆၅)ရပ်ကွက်နေ ဦးကျော်တင် (၃၈)နှစ် မောင်းနှင်ပြီး မြစ်သားမြို့နယ်၊ ရွာခိုင်ကြီးကျေးရွာနေ ကိုတင်ထွန်းလင်း(၂၇)နှစ် လိုက်ပါလာသော MDY-18/7K-XXXX DONGFENG ၁၂ ဘီး မော်တော်ယာဉ်နှင့် တိုက်မိခဲ့သဖြင့် ဦးကျော်စွာဝင်းတွင် ထိခိုက်ဒဏ်ရာများရရှိကာ သေဆုံးသွားခဲ့ပြီး ဒေါ်မေသဲဖြူတွင် ထိခိုက်ဒဏ်ရာများ ရရှိခဲ့သောကြောင့် ကျော်စွာဝင်း အား တောင်ငူမြို့မရဲစခန်း ယာဉ်(ပ)၅/၂၀၂၆၊ ရာဇသတ်ကြီးပုဒ်မ ၂၇၉/ ၃၃၈/ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။