မန္တလေးမြို့၊အမျိုးသမီးများဖွံ့ဖြိုးတိုးတက်ရေးဌာနမှ သီလရှင်ဝတ်အလှူတော်မင်္ဂလာကျင်းပပြုလုပ်

မန္တလေးမြို့၊အမျိုးသမီးများဖွံ့ဖြိုးတိုးတက်ရေးဌာနမှ သီလရှင်ဝတ်အလှူတော်မင်္ဂလာကျင်းပပြုလုပ်

မန္တလေးတိုင်းဒေသကြီး လူမှုဝန်ထမ်းဦးစီးမှူးရုံး၏ ကြီးကြပ်မှုအတွင်းရှိသော မန္တလေးမြို့၊ အမျိုးသမီးများ ဖွံ့ဖြိုးတိုးတက်ရေးဌာနတွင်စောင့်ရှောက်ထားသော ကျောင်းသူများအနက်မှ (၁၀)ဦးအား အနီဃာသီလရှင် စာသင်တိုက်တွင် ၂၀-၁၂-၂၀၂၄ရက်မှ ၂၄-၁၂-၂၀၂၄ရက်အထိ(၅)ရက်တာ သာသနာ့ဘောင်အတွင်းသို့ ဝင်ရောက်ခြင်းကို ဆောင်ရွက်ပေးခဲ့ပါသည်။ ၂၀-၁၂-၂၀၂၄ရက် ၊နံနက်(၁၀)နာရီ တွင်ဆံပယ်ခြင်းနှင့်တရာတော်နာခြင်းကိုလည်းကောင်း၊ သံဃာတော်(၅)ပါး၊ သီလရှင်ဆရာတော် (၅)ပါး၊ ကျောင်းတိုက်ရှိ သီလရှင်(၆၅)ပါးတို့အား နေ့ဆွမ်း နှင့် အချိုပွဲ (ရေခဲမုန့်၊ သီးနှံ၊ ကိတ်မုန့်) တို့ကို ကပ်လှူခြင်း၊ သံဃာတော်နှင့် သီလရှင်ဆရာတော်များကို ဝတ္တုငွေကျပ် ငါးသိန်းနှစ်သောင်း၊ ဆန်၊ ဆီ၊ ဆေး၊ ဆား၊ သင်္ကန်း၊ ထီး၊ ဖိနပ်တို့ကိုလည်းကောင်း၊ သိမ်ထွက်သီလရှင်များကို ကျပ်တစ်သိန်းတိတိကိုလည်းကောင်းလှူဒါန်းခဲ့ပါသည်။ အလှူတော်မင်္ဂလာသို့ သံဃာတော်(၅)ပါး၊ သီလရှင်ဆရာတော်ကြီးနှင့်သီလရှင်များ (၇၅)ပါး၊ ဖိတ်ကြားထားသော ဧည့်သည်တော်များနှင့် ဌာနဆိုင်ရာများမှ (၂၀)ဦး၊ စုစုပေါင်း (၁၀၀)ဦးတက်ရောက်ခဲ့ပါသည်။