မိုးညှင်းမြို့နယ်၌ ငွေကျပ် ၁၀၂၆ သိန်းတန်ဖိုးနှင့် ကျိုင်းတုံမြို့နယ်၌ ငွေကျပ် ၄၂ သိန်းတန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

မိုးညှင်းမြို့နယ်၌ ငွေကျပ် ၁၀၂၆ သိန်းတန်ဖိုးနှင့် ကျိုင်းတုံမြို့နယ်၌ ငွေကျပ် ၄၂ သိန်းတန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

နေပြည်တော် ဧပြီ ၂

မိုးညှင်းမြို့နယ်၌ ငွေကျပ် ၁၀၂၆ သိန်းတန်ဖိုးနှင့် ကျိုင်းတုံမြို့နယ်၌ ငွေကျပ် ၄၂ သိန်းတန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မြန်မာနိုင်ငံ ရဲတပ်ဖွဲ့မှ သိရသည်။

ဖြစ်စဉ်မှာ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မတ် ၃၀ ရက် မွန်းလွဲ ၁ နာရီတွင် သတင်းအရ မိုးညှင်းမြို့နယ် ပင်လုံ-မော်ဟဲကျေးရွာသွားလမ်းတွင် ကသာမြို့ ဇေယျာချောင်ရပ်ကွက်နေ အောင်ကျော်ကျော် (ခ) ဖိုးအောင် (၄၄) နှစ် မောင်းနှင်လာသော YINXIANG 125 အမျိုးအစားမော်တော်ဆိုင်ကယ်အား ရပ်တန့်စစ်ဆေးရှာဖွေရာ စိတ်ကြွရူးသွပ်ဆေးပြား ၆၈၄၀၀ (တစ်ပြားလျှင် ငွေကျပ် ၁၅၀၀ နှုန်းဖြင့် ၎င်းဒေသတန်ဖိုး ငွေကျပ် ၁၀၂၆ သိန်း) နှင့် မြန်မာငွေကျပ် ၁၀၀၀၀၀ တို့ကို ဖမ်းဆီးရမိသဖြင့် အောင်ကျော်ကျော် (ခ) ဖိုးအောင်အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားသည်။

ထို့တူ ဧပြီ ၁ ရက် မွန်းလွဲ ၂ နာရီခွဲတွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ကျိုင်းတုံမြို့နယ် မိုင်းလပ်ကျေးရွာအုပ်စု ဝမ်ကျွန်ကျေးရွာနေ စိုင်းလုံတစ် (ခ) စိုင်းပုံ (၅၂) နှစ်၏ နေအိမ်အား ဝင်ရောက်ရှာဖွေရာ စိတ်ကြွရူးသွပ်ဆေးပြား ၆၀၀၀ (တစ်ပြားလျှင် ငွေကျပ် ၇၀၀ နှုန်းဖြင့် ၎င်းဒေသ တန်ဖိုးငွေကျပ် ၄၂ သိန်း) ဖမ်းဆီးရမိသဖြင့် စိုင်းလုံတစ် (ခ) စိုင်းပုံအား မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများ ဆိုင်ရာဥပဒေအရ အရေးယူထားကြောင်း သိရသည်။

သတင်းစဉ်