ရှမ်းပြည်နယ်၊ ပင်လောင်း၊ ဟိုပုံး၊ လွိုင်လင်နှင့် ဆီဆိုင်မြို့နယ်တို့၌ ဘိန်းခင်းများ ဖျက်ဆီး

ရှမ်းပြည်နယ်၊ ပင်လောင်း၊ ဟိုပုံး၊ လွိုင်လင်နှင့် ဆီဆိုင်မြို့နယ်တို့၌ ဘိန်းခင်းများ ဖျက်ဆီး

     ၂၀၂၅ ခုနှစ်၊ ဒီဇင်ဘာ ၁၃ ရက်က ရှမ်းပြည်နယ်၊ ပင်လောင်း၊ ဟိုပုံး၊ လွိုင်လင်နှင့် ဆီဆိုင်မြို့နယ်တို့၌ ဘိန်းခင်း စုစုပေါင်း ၁၆၁ ဧကခန့်အား ဖျက်ဆီးခြင်းများ ဆောင် ရွက်ခဲ့ကြောင်း သိရသည်။

     ဖြစ်စဉ်မှာ ဒီဇင်ဘာ ၁၃ ရက် နံနက် ၈ နာရီ ၂၀ မိနစ်မှ ညနေ ၄ နာရီ ၅၀ မိနစ်ထိ ပင်လောင်း မြို့မရဲစခန်းမှ တပ်ဖွဲ့ဝင်များ၊ ဌာနဆိုင်ရာဝန်ထမ်းများပါဝင်သော ပူး ပေါင်းအဖွဲ့က ပင်လောင်းမြို့နယ်၊ ဘန့်ဘာကျေးရွာအုပ်စု၊ ပင်ကာလာကျေးရွာ၏ အရှေ့မြောက်ဘက် တစ်မိုင်ခန့်အကွာ၌ စိုက်ပျိုးထားသော အမြင့် ၃ ပေခန့်ရှိ ဘိန်းခင်း ၈ ဧကခန့်၊ ပင်ကာလာကျေးရွာ၏ အရှေ့တောင်ဘက် တစ်မိုင်ခွဲခန့်အကွာ၌ စိုက်ပျိုးထားသော အမြင့် ၃ ပေခန့်ရှိ ဘိန်းခင်း ၁၅ ဧကခန့်နှင့် လူဖဲ့ခြမ်းကျေးရွာ၏ အရှေ့တောင်ဘက် တစ်မိုင်ခန့်အကွာ၌ စိုက်ပျိုးထားသော အမြင့် ၃ ပေခန့်ရှိ ဘိန်းခင်း ၂၀ ဧကခန့်တို့အား လည်းကောင်း။

     အလားတူ နံနက် ၈ နာရီ ၃၀ မိနစ်မှ ညနေ ၃ နာရီ ၂၀ မိနစ်ထိ ဟိုပုံးမြို့နယ်ရဲတပ်ဖွဲ့မှ တပ်ဖွဲ့ဝင်များ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က ဟိုပုံးမြို့ နယ်၊ နောင်လိုင်မူဖိတ် ကျေးရွာအုပ်စု၊ ပါခတ်ကျေးရွာ၏တောင်ဘက် လေးဖာလုံခန့်အကွာ၌ စိုက်ပျိုးထားသော အမြင့် ၂ ပေခန့်ရှိ ဘိန်းခင်း ၂၅ ဧကခန့်အား လည်း ကောင်း။

     အလားတူ နံနက် ၈ နာရီ ၃၀ မိနစ်မှ ညနေ ၃ နာရီ ၃၀ မိနစ်ထိ လွိုင်လင်ခရိုင်ရဲတပ်ဖွဲ့မှ တပ်ဖွဲ့ဝင်များ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က လွိုင်လင်မြို့နယ်၊ ပန်ဝိုးကျေးရွာအုပ်စု၊ ဝါးတောကျေးရွာ၏အနောက်ဘက် နှစ်မိုင်ခန့်အကွာ၌ စိုက်ပျိုးထားသော အမြင့် ၃ ပေခန့်ရှိ ဘိန်းခင်း ၄၀ ဧကခန့်နှင့် နောင်တောင်းကျေးရွာ၏အနောက်တောင်ဘက် တစ်မိုင်ခန့်အကွာ၌ စိုက်ပျိုးထားသော အမြင့် ၃ ပေခန့်ရှိ ဘိန်းခင်း ၂၅ ဧကခန့်တို့အား လည်းကောင်း။

     ထို့အတူ နံနက် ၉ နာရီ ၁၀ မိနစ်မှ ညနေ ၃ နာရီ ၅၀ မိနစ်ထိ ဆီဆိုင်မြို့နယ်ရဲတပ်ဖွဲ့မှ တပ်ဖွဲ့ဝင်များ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့က ဆီဆိုင်မြို့ နယ်၊ လွယ်ပွတ်ကျေးရွာ အုပ်စု၊ ဘန်နောင်ကားကျေးရွာ၏အရှေ့မြောက်ဘက် လေးဖာလုံခန့်အကွာ၌ စိုက်ပျိုးထားသော အမြင့် ၂ ပေခွဲခန့်ရှိ ဘိန်းခင်း ၆ ဧကခန့်နှင့် ဘန်နောင်ကားကျေးရွာ၏အနောက်ဘက် သုံးဖာလုံခန့် အကွာ၌ စိုက်ပျိုးထားသော အမြင့် ၂ ပေခွဲခန့်ရှိ ဘိန်းခင်း ၂၂ ဧကခန့်တို့အား လည်းကောင်း အသီးသီးဖျက်ဆီးခဲ့ကြောင်း သတင်းရရှိပါသည်။