ရှမ်းပြည်နယ်၊ မူဆယ်မြို့နယ်၌ ငွေကျပ် ၅၇၂ သိန်းကျော်တန်ဖိုးရှိ ဘိန်းဖြူများ ဖမ်းဆီးရမိ

ရှမ်းပြည်နယ်၊ မူဆယ်မြို့နယ်၌ ငွေကျပ် ၅၇၂ သိန်းကျော်တန်ဖိုးရှိ ဘိန်းဖြူများ ဖမ်းဆီးရမိ

    ၂၀၂၆ ခုနှစ်၊ ဇန်နဝါရီ ၄ ရက် မွန်းလွဲ ၁ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ရှမ်းပြည်နယ်၊ မူဆယ်မြို့နယ်၊ စွမ်စော်ရပ်ကွက်၊ မူဆယ်-နမ့်ခမ်းသွားကားလမ်း၌ ကွတ်ခိုင်မြို့နယ်၊ ဟိုနောင်ကျေးရွာနေ အောင်မိုင်(၂၈)နှစ် မောင်းနှင်ပြီး ကွတ်ခိုင်မြို့နယ်၊ နမ့်ကွတ်ကျေးရွာနေ မင်းသူ(ခ)ဒွဲလာ(၂၈)နှစ် လိုက်ပါလာသော MDY-12/9G-XXXX TOYOTA LANDCRUISER မော်တော်ယာဉ်အား ရပ်တန့်စစ်ဆေးရှာဖွေခဲ့ရာ ယာဉ်ပေါ်မှ ဘိန်းဖြူ ၅ ဒသမ ၇၂ ကီလို (တစ်ကီလိုလျှင် ငွေကျပ် သိန်း ၁၀၀ နှုန်းဖြင့် ဒေသကာလတန်ဖိုး ငွေကျပ် ၅၇၂ သိန်း)နှင့် မြန်မာငွေစက္ကူ ၆ ဒသမ ၅ သိန်းတို့အား ဖမ်းဆီးရမိခဲ့ကြောင်း။
     စစ်ဆေးပေါ်ပေါက်ချက်အရ မွန်းလွဲ ၂ နာရီတွင် ဖမ်းဆီးရမိ ဘိန်းဖြူများ ရောင်းချပေးသူ မူဆယ်မြို့နယ်၊ ကောင်းမူးတုံရပ်ကွက်နေ နော်လောန်(၄၃)နှစ်၏နေအိမ်အား ဝင်ရောက်ရှာဖွေခဲ့ရာ နေအိမ်အတွင်းမှ ဘိန်းဖြူ ၀ ဒသမ ၀၁ ကီလို (တစ်ကီလိုလျှင် ငွေကျပ် သိန်း ၁၅၀ နှုန်းဖြင့် ဒေသကာလတန်ဖိုး ငွေကျပ် ၁ ဒသမ ၅ သိန်း)အား ထပ်မံဖမ်းဆီးရမိသဖြင့် အောင်မိုင်၊ မင်းသူ(ခ)ဒွဲလာနှင့် နော်လောန်တို့ သုံးဦးအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။