ရှမ်းပြည်နယ်၊ ဟိုပုံးမြို့နယ်၌ ဆိုင်ကယ် တိမ်းမှောက်၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိ

ရှမ်းပြည်နယ်၊ ဟိုပုံးမြို့နယ်၌ ဆိုင်ကယ် တိမ်းမှောက်၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မေ ၈ ရက်က ရှမ်းပြည်နယ်၊ ဟိုပုံးမြို့နယ်၌ ဆိုင်ကယ်တိမ်းမှောက်၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
    ဖြစ်စဉ်မှာ မေ ၈ ရက် နံနက် ၁၁ နာရီ ၃၀ မိနစ်တွင် ရှမ်းပြည်နယ်၊ ဟိုပုံးမြို့နယ်၊ သာယာကုန်းကျေးရွာအနီး မိုင်တိုင်အမှတ် ၁၄၅ မိုင် ၅ ဖာလုံနှင့် ၆ ဖာလုံကြား၌ ဆိုင်ကယ်တိမ်းမှောက်မှု ဖြစ်ပွားကြောင်း သတင်းအရ ဟိုပုံးမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ဟိုပုံးမြို့မှ ဆီဆိုင်မြို့ဘက်သို့ ဟိုပုံးမြို့နယ်၊ ပန်းမာကျေးရွာနေ ခွန်မောင်ထွန်း(၃၇)နှစ် မောင်းနှင်ပြီး တစ်ရွာတည်းနေ ခွန်ကြာဦး(၃၇)နှစ် လိုက်ပါလာသည့် SHN/W-XXXX HONDA DREAM 125 ဆိုင်ကယ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်းလယ်ရှိ ဘလောက်တုံးအား ဝင်တိုက်မိခဲ့မှုကြောင့် ခွန်မောင်ထွန်းတွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးခဲ့ပြီး ခွန်ကြာဦးတွင် ထိခိုက်ဒဏ်ရာများ ရရှိခဲ့သောကြောင့် ခွန်မောင်ထွန်း အား ဟိုပုံးမြို့မရဲစခန်း ယာဉ်(ပ)၃/၂၀၂၆၊ ရာဇသတ်ကြီးပုဒ်မ ၃၀၄-က/ ၃၃၈/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။