ရှမ်းပြည်နယ်၊ ဟိုပုံးမြို့နယ်၊ ပင်လောင်းမြို့နယ်နှင့် ဆီဆိုင်မြို့နယ်တို့၌ ဘိန်းစိုက်ခင်းများ ဖျက်ဆီး

ရှမ်းပြည်နယ်၊ ဟိုပုံးမြို့နယ်၊ ပင်လောင်းမြို့နယ်နှင့် ဆီဆိုင်မြို့နယ်တို့၌ ဘိန်းစိုက်ခင်းများ ဖျက်ဆီး

     ဖြစ်စဉ်မှာ ဒီဇင်ဘာ ၇ ရက် နံနက် ၈ နာရီ ၁၅ မိနစ်မှ မွန်းလွဲ ၃ နာရီ ၃၀ မိနစ်ထိ ရှမ်းပြည်နယ်၊ ဟိုပုံးမြို့နယ်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်း အဖွဲ့သည် ဟိုပုံးမြို့နယ်၊ နောင်လိုင်မူဖိတ်ကျေးရွာအုပ်စု၊ ပန်ကလားကျေးရွာအနောက်ဘက် တစ်မိုင်ခန့်အကွာ၌ စိုက်ပျိုးထားသည့် အမြင့် ၂ ပေခန့်ရှိ ဘိန်းစိုက်ခင်း ၄ ဧကခန့်နှင့် ပန်ကလား ကျေးရွာတောင်ဘက် တစ်မိုင်ခန့်အကွာ၌ စိုက်ပျိုးထားသည့် အမြင့် ၂ ပေခန့်ရှိ ဘိန်းစိုက်ခင်း ၇ ဧကခန့်တို့အား လည်းကောင်း။

     အလားတူ နံနက် ၈ နာရီ ၅၀ မိနစ်မှ မွန်းလွဲ ၃ နာရီ ၅၀ မိနစ်ထိ ပင်လောင်းမြို့နယ် ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့သည် ပင်လောင်း မြို့နယ်၊ ဆောင်းနိုင်ကျေးရွာအနောက်တောင်ဘက် တစ်မိုင်ခန့်အကွာ၌ စိုက်ပျိုးထားသည့် အမြင့် ၂ ပေခွဲခန့်ရှိ ဘိန်းစိုက်ခင်း ၂၃ ဧကခန့်နှင့် ဝါးပြုံးကျေးရွာအနောက်ဘက် တစ်မိုင်ခန့်အကွာ၌ စိုက်ပျိုးထားသည့် အမြင့် ၂ ပေခွဲခန့်ရှိ ဘိန်းစိုက်ခင်း ၁၉ ဧကခန့်တို့အား လည်းကောင်း။

     ထို့အတူ နံနက် ၉ နာရီ ၁၅ မိနစ်မှ ညနေ ၄ နာရီ ၃၀ မိနစ်ထိ ဆီဆိုင်မြို့နယ်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့သည် ဆီဆိုင်မြို့နယ်၊ ဘန့်ဗွီး ကျေးရွာအုပ်စု၊ နောင်တဘန်ကျေးရွာအရှေ့ဘက် တစ်မိုင်ခန့်အကွာ၌ စိုက်ပျိုးထားသည့် အမြင့် ၃ ပေခန့်ရှိ ဘိန်းစိုက်ခင်း ၈ ဧကခန့်နှင့် နောင်တဘန်ကျေးရွာမြောက်ဘက် တစ်မိုင်ခန့်အကွာ၌ စိုက်ပျိုးထားသည့် အမြင့် ၃ ပေခန့်ရှိ ဘိန်းစိုက်ခင်း ၅ ဧကခန့်တို့အား လည်းကောင်း အသီးသီး ဖျက်ဆီးခြင်းများ ဆောင် ရွက်ခဲ့ကြောင်း သတင်းရရှိပါသည်။