ရှမ်းပြည်နယ်၊ ဟိုပုံးမြို့နယ်၊ ပင်လောင်းမြို့နယ်နှင့် လွိုင်လင်မြို့နယ်တို့၌ ဘိန်းစိုက်ခင်းများ ဖျက်ဆီး

ရှမ်းပြည်နယ်၊ ဟိုပုံးမြို့နယ်၊ ပင်လောင်းမြို့နယ်နှင့် လွိုင်လင်မြို့နယ်တို့၌ ဘိန်းစိုက်ခင်းများ ဖျက်ဆီး

      ၂၀၂၅ ခုနှစ်၊ ဒီဇင်ဘာ ၉ ရက်က ရှမ်းပြည်နယ်၊ ဟိုပုံးမြို့နယ်၊ ပင်လောင်းမြို့နယ်နှင့် လွိုင်လင်မြို့နယ်တို့၌ စုစုပေါင်း ဘိန်းစိုက်ခင်း ၁၁၅ ဧကခန့် ဖျက်ဆီးခဲ့ကြောင်း သိရသည်။
     ဖြစ်စဉ်မှာ ဒီဇင်ဘာ ၉ ရက် နံနက် ၈ နာရီ ၂၀ မိနစ်မှ မွန်းလွဲ ၂ နာရီ ၂၀ မိနစ်ထိ ရှမ်းပြည်နယ်၊ ဟိုပုံးမြို့နယ်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့သည် ဟိုပုံးမြို့နယ်၊ နောင်လိုင်မူဖိတ်ကျေးရွာအုပ်စု၊ ပါခတ်ကျေးရွာအနောက်ဘက် နှစ်မိုင်ခန့်အကွာရှိ အမြင့် ၂ ပေခန့် ဘိန်းစိုက်ခင်း ၁၃ ဧကခန့်အား လည်းကောင်း။
      အလားတူ နံနက် ၈ နာရီ ၁၅ မိနစ်မှ ညနေ ၅ နာရီ ၅ မိနစ်ထိ ပင်လောင်းမြို့နယ်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့သည် ပင်လောင်းမြို့နယ်၊ မွှေးပြင်ကျေးရွာအုပ်စု၊ ကပ္ပတိန်ကျေးရွာအနောက်တောင်ဘက် နှစ်မိုင်ခန့်အကွာရှိ အမြင့် ၂ ပေခွဲခန့် ဘိန်းစိုက်ခင်း ၁၁ ဧကခန့်၊ ခနွဲကောက်ထိုကျေးရွာအနောက်မြောက်ဘက် တစ်မိုင်ခန့်အကွာရှိ အမြင့် ၂ ပေခွဲခန့် ဘိန်းစိုက်ခင်း ၁၅ ဧကခန့်နှင့် ဝါးပြုံးကျေးရွာအနောက်မြောက်ဘက် တစ်မိုင်ခွဲခန့်အကွာရှိ အမြင့် ၂ ပေခွဲခန့် ဘိန်းစိုက်ခင်း ၁၆ ဧကခန့်တို့အား လည်းကောင်း။ 
      ထို့အတူ နံနက် ၉ နာရီ ၅၅ မိနစ်မှ ညနေ ၄ နာရီ ၂၀ မိနစ်ထိ လွိုင်လင်ခရိုင်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့သည် လွိုင်လင်မြို့နယ်၊ ဆင်ခြေဖုန်းကျေးရွာအုပ်စု၊ လုံအောင်ကျေးရွာအနောက်တောင်ဘက် နှစ်မိုင်ခန့်အကွာရှိ အမြင့် ၂ ပေခန့် ဘိန်းစိုက်ခင်း ၃၅ ဧကခန့်နှင့် စံဖူးကျေးရွာအနောက်တောင်ဘက် နှစ်မိုင်ခန့်အကွာရှိ အမြင့် ၂ ပေခန့် ဘိန်းစိုက်ခင်း ၂၅ ဧကခန့်တို့အား လည်းကောင်း အသီးသီး ဖျက်ဆီးခဲ့ကြောင်း သတင်းရရှိပါသည်။