ကရင်ပြည်နယ်၊ ဘားအံမြို့နယ်၊ ဘားကပ်ကျေးရွာ၌ နေအိမ် မီးလောင်မှု

ကရင်ပြည်နယ်၊ ဘားအံမြို့နယ်၊ ဘားကပ်ကျေးရွာ၌ နေအိမ် မီးလောင်မှု

      ၂၀၂၆ ခုနှစ်၊ မတ် ၂၇ ရက် ည ၁၁ နာရီ ၃၅ မိနစ်ခန့်က ကရင်ပြည်နယ်၊ ဘားအံမြို့နယ်၊ ဘားကပ်ကျေးရွာ၌ ပိုင်ရှင် ဦးအောင်နိုင်ဦး(၄၇)နှစ်၏ ၁၅ x ၆၀ ပေ၊ သွပ်မိုး၊ အုတ်ညှပ် နှစ်ထပ် နေအိမ်အပေါ်ထပ်ရှိ မီးပလတ်ခုံ အပူလွန်ကဲရာမှတစ်ဆင့် အနီးရှိ သစ်သားတိုင်သို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကရင်ပြည်နယ်မီးသတ်ဦးစီးမှူးရုံးနှင့် ဘားအံခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၆ စီးဖြင့် မီးငြှိမ်းသတ်ခဲ့ရာ ည ၁၂ နာရီ ၃၀ မိနစ်တွင် မီးငြိမ်းခဲ့ပါသည်။
     အဆိုပါမီးလောင်မှုကြောင့် ၁၅ x ၆၀ ပေ၊ သွပ်မိုး၊ အုတ်ညှပ် နှစ်ထပ် နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် ဦးအောင်နိုင်ဦး အား ဘားအံမြို့နယ်၊ မြိုင်ကလေးနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။