စစ်ကိုင်းတိုင်းဒေသကြီး၊ ရွှေဘိုမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

စစ်ကိုင်းတိုင်းဒေသကြီး၊ ရွှေဘိုမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ မေ ၂၈ ရက်က စစ်ကိုင်းတိုင်းဒေသကြီး၊ ရွှေဘိုမြို့နယ်၌ ယာဉ်တိုက်မှု ဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မေ ၂၈ ရက် ည ၆ နာရီ ၃၀ မိနစ်တွင် စစ်ကိုင်းတိုင်းဒေသကြီး၊ ရွှေဘိုမြို့နယ်၊ အမှတ်(၆)ရပ်ကွက်၊ ရွှေဘို-မန္တလေးကားလမ်း၊ စတုဘုမ္မိကပရိယတ္တိစာသင်တိုက်အနီး၌ ယာဉ်တိုက်မှု ဖြစ်ပွားကြောင်း သတင်းအရ အမှတ်(၁၁၆)ယာဉ်ထိန်းရဲတပ်ဖွဲ့စု(ရွှေဘို)မှ တပ်ဖွဲ့ဝင်များက သွားရောက် စစ်ဆေးခဲ့ရာ မန္တလေးမြို့မှ ရွှေဘိုမြို့ဘက်သို့ ရွှေဘိုမြို့နယ်၊ အမှတ်(၆)ရပ်ကွက်နေ ဦးကျော်သူထွန်း (၃၉)နှစ် မောင်းနှင်လာသည့် SGG-36/3B-XXXX ခရီးသည်တင်မော်တော်ယာဉ်သည် လားရာတူရှေ့မှ စက်ဘီးစီးနင်းနေသူ တစ်ရပ်ကွက်တည်းနေ ဦးခင်မောင်(၈၃)နှစ်အား ဝင်ရောက်တိုက်မိခဲ့သဖြင့် ဦးခင်မောင်တွင် ထိခိုက်ဒဏ်ရာများရရှိခဲ့၍ ရွှေဘိုမြို့နယ်ပြည်သူ့ဆေးရုံသို့ ပို့ဆောင်ဆေးကုသမှု ခံယူနေစဉ် သေဆုံးသွားခဲ့သောကြောင့် ကျော်သူထွန်း အား ရွှေဘိုမြို့မရဲစခန်း ယာဉ် (ပ)၆/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။