စစ်ကိုင်းတိုင်းဒေသကြီး၊ ကလေးမြို့နယ်၌ ဒီဇယ်ဆီ/ဓာတ်ဆီများ ခွင့်ပြုချက်လိုင်စင်မရှိဘဲ သိုလှောင်ရောင်းချနေသူ အမျိုးသား တစ်ဦးအား ဖမ်းဆီးအရေးယူ

စစ်ကိုင်းတိုင်းဒေသကြီး၊ ကလေးမြို့နယ်၌ ဒီဇယ်ဆီ/ဓာတ်ဆီများ ခွင့်ပြုချက်လိုင်စင်မရှိဘဲ သိုလှောင်ရောင်းချနေသူ အမျိုးသား တစ်ဦးအား ဖမ်းဆီးအရေးယူ

     ၂၀၂၅ ခုနှစ်၊ ဩဂုတ် ၁၀ ရက်က စစ်ကိုင်းတိုင်းဒေသကြီး၊ ကလေးမြို့နယ်၌ ဒီဇယ်ဆီ/ဓာတ်ဆီများ ခွင့်ပြုချက်လိုင်စင်မရှိဘဲ သိုလှောင်ရောင်းချနေသူ အမျိုးသား တစ်ဦးအား ဖမ်းဆီး အရေးယူထားကြောင်း သိရသည်။

     ဖြစ်စဉ်မှာ ဩဂုတ် ၁၀ ရက် နံနက် ၁၀ နာရီ ၃၀ မိနစ်တွင် စစ်ကိုင်းတိုင်းဒေသကြီး၊ ကလေးမြို့နယ်၊ တာဟန်းရပ်ကွက်နေ ဇော်ဖြိုးထက်(ခ)စိုင်းလုံ(၄၀)နှစ်၏ ဈေးဆိုင်၌ စက်သုံးဆီများ ခွင့်ပြုချက်လိုင်စင်မရှိဘဲ သိုလှောင်ရောင်းချနေကြောင်း သတင်းအရ ကလေးမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ အဆိုပါဈေးဆိုင်အနောက်ဘက်ရှိ ဂိုဒေါင်ဘေးမှ ဒီဇယ်ပီပါ နှစ်လုံး၊ ဓာတ်ဆီပီပါ သုံးလုံး၊ စုစုပေါင်းတန်ဖိုး ၃,၆၁၈,၀၀၀ ခန့်အား သိုလှောင်ထားပြီး ခွင့်ပြုချက်လိုင်စင်မရှိဘဲ ရောင်းချနေသည်ကို စစ်ဆေးတွေ့ရှိရသဖြင့် ဇော်ဖြိုးထက်(ခ)စိုင်းလုံ အား ကလေးမြို့မရဲစခန်း (ပ)၁၁၉/၂၀၂၅၊ ရေနံနှင့်ရေနံထွက်ပစ္စည်းများဆိုင်ရာဥပဒေပုဒ်မ ၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။