ပဲခူးတိုင်းဒေသကြီး၊ ဖြူးမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား ငါးဦး၊ အမျိုးသမီး လေးဦးနှင့် ကလေးငယ် တစ်ဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ ဖြူးမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား ငါးဦး၊ အမျိုးသမီး လေးဦးနှင့် ကလေးငယ် တစ်ဦး ထိခိုက်ဒဏ်ရာရရှိ

     ပဲခူးတိုင်းဒေသကြီး၊ ဖြူးမြို့နယ်၌ ၂၀၂၅ ခုနှစ်၊ မတ် ၁၃ ရက်က ယာဉ်တိမ်းမှောက်မှုဖြစ်ပွား၍ အမျိုးသား ငါးဦး၊ အမျိုးသမီး လေးဦးနှင့် ကလေးငယ် တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
    ဖြစ်စဉ်မှာ ၂၀၂၅ ခုနှစ်၊ မတ် ၁၃ ရက် ည ၆ နာရီ ၅၀ မိနစ်တွင် ဖြူးမြို့နယ်၊ ရန်ကုန်-နေပြည်တော်အမြန်လမ်းမကြီး မိုင်တိုင်အမှတ် ၁၁၇ မိုင် ၂ ဖာလုံအနီး၌ ယာဉ်မတော်တဆမှုဖြစ်ပွားကြောင်း သတင်းအရ ဖြူးအမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ နေပြည်တော် ဘက်မှ ရန်ကုန်ဘက်သို့ အုတ်ဖိုမြို့နယ်၊ သစ်တောဝန်းရပ်ကွက်နေ ညီညီ(၂၈)နှစ် မောင်းနှင်ပြီး ခရီးသည် ၁၃ ဦး လိုက်ပါလာသော YGN-3 4M/XXXX Golden Dragon အမျိုးအစား ခရီးသည်တင်မော်တော်ယာဉ်သည် အခင်းဖြစ်နေရာအရောက်တွင် အရှိန်မထိန်းနိုင်ဘဲ လမ်း၏ယာဘက်ဘေး မြေသားလမ်းပေါ်သို့ တိမ်းမှောက်ခဲ့၍ ယာဉ်မောင်း ညီညီနှင့် ယာဉ်ပေါ်တွင် လိုက်ပါလာသည့် ခရီးသည် အမျိုးသား လေးဦး၊ အမျိုးသမီး လေးဦးနှင့် ကလေးငယ် တစ်ဦးတို့တွင် ဒဏ်ရာများအသီးသီးရရှိခဲ့သဖြင့် ဒဏ်ရာရရှိသူများအား ဖြူးမြို့နယ်ပြည်သူ့ဆေးရုံသို့ ပို့ဆောင်ခဲ့ပြီး ညီညီအား ဖြူးအမြန်လမ်းမကြီးရဲစခန်း ယာဉ်(ပ)၅/၂၀၂၅၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိ သည်။