ပဲခူးတိုင်းဒေသကြီး၊ ဒိုက်ဦးမြို့နယ်၌ ကြက်တိုက်လောင်းကစားပြုလုပ်သူ အမျိုးသား ၁၃ ဦးအား အမှုဖွင့်အရေးယူ
ပဲခူးတိုင်းဒေသကြီး၊ ဒိုက်ဦးမြို့နယ်၌ ကြက်တိုက်လောင်းကစားပြုလုပ်သူ အမျိုးသား ၁၃ ဦးအား အမှုဖွင့်အရေးယူ
ပြည်ထဲရေးဝန်ကြီးဌာန/ နေပြည်တော် / March 25, 2025
၂၀၂၅ ခုနှစ်၊ မတ် ၂၃ ရက်က ပဲခူးတိုင်းဒေသကြီး၊ ဒိုက်ဦးမြို့နယ်၌ ကြက်တိုက်လောင်းကစားပြုလုပ်သူ အမျိုးသား ၁၃ ဦးအား အမှုဖွင့်အရေးယူထားကြောင်း သတင်းရရှိသည်။
ဖြစ်စဉ်မှာ ၂၀၂၅ ခုနှစ်၊ မတ် ၂၃ ရက် မွန်းလွဲ ၁၂ နာရီ ၃၀ မိနစ်တွင် ပဲခူးတိုင်းဒေသကြီး၊ ဒိုက်ဦးမြို့နယ်၊ ဘုရားကြီးကျေးရွာအနောက်မြောက်ဘက်တွင် ကြက်တိုက်လောင်းကစားပြုလုပ်နေကြောင်း သတင်းအရ ပဲခူးခရိုင်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်ဖမ်းဆီးခဲ့ရာ ကြက်တိုက်လောင်းကစားပြုလုပ်နေသည့် ပျဉ်ပုံကြီးကျေးရွာနေ ကျော်နိုင်(၅၂)နှစ်ပါ ၁၃ ဦးအား တိုက်ကြက် ၃ ကောင်နှင့် ဆက်စပ်ပစ္စည်းများ၊ လောင်းကြေးငွေ ၁,၁၃၅,၀၀၀ ကျပ်ခန့်၊ ဖုန်း ၁၀ လုံး၊ ဆိုင်ကယ် ၁၉ စီးတို့နှင့်အတူ ဖမ်းဆီးရမိခဲ့သဖြင့် ကျော်နိုင်ပါ ၁၃ ဦးအား အေးသုခနယ်မြေရဲစခန်း (ပ)၇/၂၀၂၅၊ လောင်းကစားဥပဒေ ပုဒ်မ ၁၅(က)ဖြင့် အမှုဖွင့်အရေးယူထားကြောင်း သတင်းရရှိသည်။