ပဲခူးတိုင်းဒေသကြီး၊ ဝေါမြို့နယ်၌ ငွေကျပ် ၇ ဘီလီယံကျော်တန်ဖိုးရှိ စိတ်ကြွဆေးပြား ၅ သန်း ဖမ်းဆီးရမိ

ပဲခူးတိုင်းဒေသကြီး၊ ဝေါမြို့နယ်၌ ငွေကျပ် ၇ ဘီလီယံကျော်တန်ဖိုးရှိ စိတ်ကြွဆေးပြား ၅ သန်း ဖမ်းဆီးရမိ

     ၂၀၂၅ ခုနှစ်၊ နိုဝင်ဘာ ၈ ရက် ည ၁၁ နာရီတွင် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ပဲခူးတိုင်းဒေသကြီး၊ ဝေါမြို့နယ်၊ ညောင်ခါးရှည်ကျေးရွာအနီး၌ မှိုင်းဆွေ မောင်းနှင်လာသော MDY-17/9F-XXXX ISUZU ခြောက်ဘီး မော်တော်ယာဉ်အား စစ်ဆေးရှာဖွေခဲ့ရာ ယာဉ်ပေါ်မှ ဒေသကာလတန်ဖိုး ငွေကျပ် ၇ ဒသမ ၅ ဘီလီယံ တန်ဖိုးရှိ စိတ်ကြွဆေးပြား ၅ သန်းအား ဖမ်းဆီးရမိခဲ့ကြောင်း။

     ထပ်မံစစ်ဆေးဖော်ထုတ်ချက်အရ ဖမ်းဆီးရမိစိတ်ကြွဆေးပြားများအား မန္တလေးမြို့မှ ဘားအံမြို့သို့ သယ်ဆောင်ခိုင်းသူ မန္တလေးမြို့နေ မြတ်မင်းဦး(ဖမ်းဆီးရန်ကျန်)နှင့် ဖမ်းဆီးရမိ မော်တော်ယာဉ်အား မန္တလေးမြို့၊ စွယ်တော်ကားဝင်းအနီးသို့ လာရောက်ပို့ဆောင်သူမှာ ပြင်ဦးလွင် မြို့နေ အောင်မျိုးဝင်း(ဖမ်းဆီးရန်ကျန်)တို့ဖြစ် ကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှု ကျူးလွန်သူများအား ဆက်လက်ဖော်ထုတ်လျက်ရှိကြောင်း သတင်းရရှိပါသည်။