ပဲခူးတိုင်းဒေသကြီး၊ ဝေါမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး နှစ်ဦး သေဆုံး

ပဲခူးတိုင်းဒေသကြီး၊ ဝေါမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး နှစ်ဦး သေဆုံး

    ၂၀၂၆ ခုနှစ်၊ မတ် ၂၉ ရက်က ပဲခူးတိုင်းဒေသကြီး၊ ဝေါမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး နှစ်ဦး သေဆုံးခဲ့ကြောင်း သိရသည်။

    ဖြစ်စဉ်မှာ မတ် ၂၉ ရက် ည ၇ နာရီ ၃၀ မိနစ်တွင် ပဲခူးတိုင်းဒေသကြီး၊ ဝေါမြို့နယ်၊ ရန်ကုန်-မော်လမြိုင်သွားကားလမ်း မိုင်တိုင်အမှတ် ၂ မိုင် ၃ ဖာလုံနှင့် ၄ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ညောင်ခါးရှည်နယ်မြေရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ ကျိုက်ထိုမြို့မှ ဝေါမြို့ဘက်သို့ ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ အမှတ်(၁၆/၁)ရပ်ကွက်နေ ဦးစည်သူစိုး(၄၉)နှစ် မောင်းနှင်ပြီး အစ်မဖြစ်သူ ဒေါ်ခင်သီတာစိုး(၅၄)နှစ်နှင့် သမီးဖြစ်သူ မနန်းကြည်စင်စင်ဖူး(၁၉)နှစ်တို့ လိုက်ပါလာသော YGN-13/ EE-XXXX COROLLA FIELDER မော်တော်ယာဉ်သည် အခင်းဖြစ်နေရာအရောက် လားရာတူရှေ့မှ ဒဂုံမြို့သစ်(တောင်ပိုင်း)မြို့နယ်၊ ရွာသာကြီးကျေးရွာနေ ကိုလင်းထွန်း(၂၉)နှစ် မောင်းနှင်သော YGN-17/ 9B-XXXX NISSAN DIESEL မော်တော်ယာဉ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ဦးစည်သူစိုး၊ ဒေါ်ခင်သီတာစိုးနှင့် မနန်းကြည်စင်စင်ဖူးတို့တွင် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် စည်သူစိုး အား ညောင်ခါးရှည်နယ်မြေရဲစခန်း ယာဉ်(ပ)၃/၂၀၂၆၊ ရာဇသတ်ကြီး ပုဒ်မ ၃၀၄-က/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။