ပြည်ထောင်စုနယ်မြေ၊ နေပြည်တော်၊ ပဲခူးတိုင်းဒေသကြီးနှင့် ကချင်ပြည်နယ်တို့ရှိ မြို့နယ်အချို့၌ ဓားကိုင်ဆောင်သူများအား ဖမ်းဆီးအရေးယူ

ပြည်ထောင်စုနယ်မြေ၊ နေပြည်တော်၊ ပဲခူးတိုင်းဒေသကြီးနှင့် ကချင်ပြည်နယ်တို့ရှိ မြို့နယ်အချို့၌ ဓားကိုင်ဆောင်သူများအား ဖမ်းဆီးအရေးယူ

     ၂၀၂၆ ခုနှစ်၊ မေ ၁၃ ရက်က ပြည်ထောင်စုနယ်မြေ၊ နေပြည်တော်၊ ပဲခူးတိုင်းဒေသကြီးနှင့် ကချင်ပြည်နယ်တို့ရှိ မြို့နယ်အချို့၌ ဓားကိုင်ဆောင်သူများအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ မေ ၁၃ ရက် ညနေ ၄ နာရီ ၅၀ မိနစ်တွင် ပြည်ထောင်စုနယ်မြေ၊ နေပြည်တော်၊ လယ်ဝေးမြို့နယ်၊ သာဝတ္ထိနယ်မြေရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် လယ်ဝေးမြို့နယ်၊ ပြောင်ခေါင်းလေးကျေးရွာလမ်းမပေါ်၌ အဆိုပါကျေးရွာနေ ဦးမောင်ညို(၆၈)နှစ်သည် အရက်သေစာ သောက်စားမူး ယစ်ပြီး အရိုး၊ အသွား ၂၁ လက်မခန့်ရှိ ဓားကိုင်ဆောင်ရမ်းကားနေသည်ကို တွေ့ရှိဖမ်းဆီးရမိခဲ့သဖြင့် မောင်ညို အား သာဝတ္ထိနယ်မြေရဲစခန်း (ပ)၃၅/၂၀၂၆၊ လက် နက်ဥပဒေပုဒ်မ ၂၃(က) ဖြင့် လည်းကောင်း။

     အလားတူ နံနက် ၁၀ နာရီ ၃၀ မိနစ်တွင် ပဲခူးတိုင်းဒေသကြီး၊ ကဝမြို့နယ်၊ ကဝမြို့မရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် အမှတ်(၃)ရပ် ကွက်၊ နှင်းဆီလမ်းအရောက်၌ ကျောင်းကြီးရပ်ကွက်နေ ဦးကိုဇင်(ခ)ဇင်ကို(၃၇)နှစ်အား မသင်္ကာဖွယ်တွေ့ရှိသဖြင့် စစ်ဆေးခဲ့ရာ ၎င်းလွယ်ထားသည့် လွယ်အိတ်အ တွင်းမှ အရိုး၊ အသွား ၇ လက်မခန့်ရှိ ဓားဦးချွန် တစ်ချောင်းအား တွေ့ရှိသိမ်းဆည်းရမိခဲ့သဖြင့် ကိုဇင်(ခ)ဇင်ကို  အား ကဝမြို့မရဲစခန်း (ပ)၂၆/၂၀၂၆၊ လက်နက်ဥပဒေပုဒ်မ ၂၃(က) ဖြင့် လည်းကောင်း။

     ထို့အတူ ည ၇ နာရီတွင် ကချင်ပြည်နယ်၊ မိုးညှင်းမြို့နယ်၊ မိုးညှင်းမြို့မရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် မြို့ရှောင်လမ်းအရောက်၌ အောင်သပြေ(၃)ရပ်ကွက်နေ ကိုဇော်မင်းဝေ(ခ)ဖိုးခွား(၂၉)နှစ်နှင့် တစ်ရပ်ကွက်တည်းနေ ဦးကျော်ရွှေ(၄၂)နှစ်တို့ မောင်းနှင်လာသည့် ဆိုင်ကယ်အား ရပ်တန့်စစ်ဆေးခဲ့ရာ ဇော်မင်းဝေ(ခ)ဖိုးခွားထံမှ ၁၇ လက်မခွဲခန့်ရှိ အရိုးမပါ ဓားရှည် တစ်ချောင်း၊ ကျော်ရွှေထံမှ အရိုး၊ အသွား ၁၈ လက်မခွဲခန့်ရှိ ဓားရှည် တစ်ချောင်းတို့အား သိမ်း ဆည်းရမိခဲ့သဖြင့် ၎င်းတို့ နှစ်ဦးအား မိုးညှင်းမြို့မရဲစခန်း (ပ)၅၅/၂၀၂၆၊ လက်နက်ဥပဒေပုဒ်မ ၂၃(က) ဖြင့် လည်းကောင်း အသီးသီး အမှုဖွင့်အရေးယူထားကြောင်း သတင်းရရှိပါသည်။