ပြည်ထောင်စုဝန်ကြီး ဒေါက်တာစိုးဝင်းနှင့် နေပြည်တော်ကောင်စီဥက္ကဋ္ဌ ဦးသန်းထွန်းဦး နေပြည်တော် ပျဉ်းမနားမြို့ မီးဘေးသင့်ပြည်သူများ ယာယီကယ်ဆယ်ရေးစခန်းသို့ သွားရောက်၍ လိုအပ်သည်များ ထောက်ပံ့

ပြည်ထောင်စုဝန်ကြီး ဒေါက်တာစိုးဝင်းနှင့် နေပြည်တော်ကောင်စီဥက္ကဋ္ဌ ဦးသန်းထွန်းဦး နေပြည်တော် ပျဉ်းမနားမြို့ မီးဘေးသင့်ပြည်သူများ ယာယီကယ်ဆယ်ရေးစခန်းသို့ သွားရောက်၍ လိုအပ်သည်များ ထောက်ပံ့

နေပြည်တော် ဇန်နဝါရီ ၉

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းသည် နေပြည် တော်ကောင်စီဥက္ကဋ္ဌ ဦးသန်းထွန်းဦး၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာသန်းစိုး၊ နေပြည်တော်ကောင်စီဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ရဲမိုး၊ နေပြည်တော် ကောင်စီဝင် ဦးမြင့်စိုးတို့နှင့်အတူ ပျဉ်းမနားမြို့ ရန်အောင်(၂)ရပ်ကွက်၊ ရန်နိုင်ရပ်၊ နယ်မြေ(၁၆) မီးလောင်မှုကြောင့် မီးဘေးအန္တရာယ်ကြုံတွေ့ဆုံးရှုံးခဲ့ရသော မီးဘေးသင့်ပြည်သူများအား ယာယီကယ်ဆယ်ရေးစခန်း၌ ယနေ့နံနက်ပိုင်းတွင် ထပ်မံသွားရောက်တွေ့ဆုံသည်။

တွေ့ဆုံစဉ် နေ့စဉ်စားသောက်နေထိုင်ရေး၊ ရေနှင့်သန့်ရှင်းမှု ဆိုင်ရာကိစ္စရပ်များအပါအဝင် လိုအပ်သည်များ မေးမြန်းအားပေးစကားပြောကြားကာ ပြည်ထောင်စုဝန်ကြီး၊ နေပြည်တော်ကောင်စီဥက္ကဋ္ဌနှင့် တာဝန်ရှိသူများသည် မီးဘေးသင့်အိမ်ထောင်စု ၆၀၊ လူဦးရေ ၃၁၉ ဦးအတွက် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီး ဌာနက ဒုတိယအကြိမ်အဖြစ် ထပ်မံထောက်ပံ့သော ဆန်ရိက္ခာဖိုးငွေနှင့် ရေသန့်ဘူးများ၊ ကြက်ဥများကိုလည်းကောင်း၊ နေပြည်တော်ကောင်စီက ထောက်ပံ့သော ခေါက်ဆွဲခြောက်၊ အိပ်ရာပစ္စည်းများနှင့် အိမ်အသုံးအဆောင် ပစ္စည်းများကိုလည်းကောင်း အိမ်ထောင်စုအလိုက်၊ လူဦးရေအလိုက် ထောက်ပံ့ပေးအပ်သည်။

ယင်းနောက် ပြည်ထောင်စုဝန်ကြီးနှင့် နေပြည်တော်ကောင်စီဥက္ကဋ္ဌတို့သည် မီးလောင်မှုဖြစ်ပွားရာ ရပ်ကွက်သို့သွားရောက်ပြီး မီးလောင်ပြင်ရှင်းလင်းပြီးစီးမှုအခြေအနေနှင့် ပြန်လည်ဆောင် ရွက်ပေးရန်လိုအပ်မှုအခြေအနေများကို သွားရောက်ကြည့်ရှုပြီး လိုအပ်သည်များ ညှိနှိုင်းဆွေးနွေးဆောင်ရွက်ခဲ့ကြကြောင်း သိရသည်။

သတင်းစဉ်