မန္တလေးတိုင်းဒေသကြီး၊ ပျော်ဘွယ်မြို့နယ်၌ ဆိုင်ကယ်နှင့် ခရီးသည်တင်မော်တော်ယာဉ်တို့ တိုက်မိခဲ့မှုကြောင့် ဆိုင်ကယ်မောင်းနှင်သူ အမျိုးသမီး တစ်ဦး ထိခိုက်ဒဏ်ရာရရှိ

မန္တလေးတိုင်းဒေသကြီး၊ ပျော်ဘွယ်မြို့နယ်၌ ဆိုင်ကယ်နှင့် ခရီးသည်တင်မော်တော်ယာဉ်တို့ တိုက်မိခဲ့မှုကြောင့် ဆိုင်ကယ်မောင်းနှင်သူ အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မတ် ၁၈ ရက်က မန္တလေးတိုင်းဒေသကြီး၊ ပျော်ဘွယ်မြို့နယ်၌ ဆိုင်ကယ်နှင့် ခရီးသည်တင်မော်တော်ယာဉ်တို့ တိုက်မိခဲ့မှုကြောင့် ဆိုင်ကယ်မောင်းနှင်သူ အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မတ် ၁၈ ရက် ညနေ ၅ နာရီ ၃၀ မိနစ်တွင် မန္တလေးတိုင်းဒေသကြီး၊ ပျော်ဘွယ်မြို့နယ်၊ ရန်ကုန်-မန္တလေးလမ်းဟောင်း မိုင်တိုင်အမှတ် ၂၈၈ မိုင် ၆ ဖာလုံအနီး၌ ယာဉ်တိုက်မှုဖြစ်ပွားကြောင်း သတင်းအရ ပျော်ဘွယ်မြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ပျော်ဘွယ်မြို့နယ်၊ သပြေပင်ကျေးရွာနေ ဒေါ်လှပု(၄၀)နှစ်သည် ၆၇ ယ-XXXX DAYANG 110 ဆိုင်ကယ်အား ပျော်ဘွယ်ဘက်မှ မိတ္ထီလာမြို့သို့ မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ တစ်ဖက်ယာဉ်ကြောသို့ ရောက်ရှိကာ ပခုက္ကူမြို့နယ်၊ အမှတ်(၄)ရပ်ကွက်နေ ဦးလှမျိုးထွန်း(၄၃)နှစ် မောင်းနှင်လာသည့် MDY-13/4Q-XXXX HIGER ခရီးသည်တင်မော်တော်ယာဉ်အား ဝင်ရောက်တိုက်မိခဲ့သဖြင့် ဒေါ်လှပုတွင် ထိခိုက်ဒဏ်ရာများ ရရှိခဲ့သောကြောင့် ဒေါ်လှပု အား ပျော်ဘွယ်မြို့မရဲစခန်း ယာဉ်(ပ) ၁၁/၂၀၂၆၊ ရာဇသတ်ကြီးပုဒ်မ ၃၃၈/၂၇၉ ဖြင့် အမှုဖွင့် အရေးယူထားကြောင်း သတင်းရရှိပါသည်။