မန္တလေးတိုင်းဒေသကြီး၊ သာစည်မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးတွင် ရပ်တန့်ထားသော မော်တော်ယာဉ်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

မန္တလေးတိုင်းဒေသကြီး၊ သာစည်မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးတွင် ရပ်တန့်ထားသော မော်တော်ယာဉ်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

     ၂၀၂၆ ခုနှစ်၊ ဧပြီ ၂၃ ရက်က မန္တလေးတိုင်းဒေသကြီး၊ သာစည်မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးတွင် ရပ်တန့်ထားသော မော်တော် ယာဉ်အား ဝင်ရောက်တိုက်မိခဲ့ မှုကြောင့် အမျိုးသား တစ်ဦး သေဆုံးသွားကြောင်း သိရသည်။

     ဖြစ်စဉ်မှာ ဧပြီ ၂၃ ရက် နံနက် ၄ နာရီ ၃၀ မိနစ်တွင် မန္တလေးတိုင်းဒေသကြီး၊ သာစည် မြို့နယ်၊ မိတ္ထီလာ-တောင်ကြီးကားလမ်း မိုင်တိုင်အမှတ် ၅၂ မိုင် ၅ ဖာလုံနှင့် ၆ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ယင်းမာပင်နယ်မြေရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ မန္တလေးတိုင်းဒေသကြီး၊ ပြင်ဦးလွင်မြို့နယ်၊ ကျားတွင်းရေကျေးရွာနေ ဇေယျာအောင်(ခ) ငအောင်(၂၆)နှစ် မောင်းနှင်ပြီး မကွေးတိုင်းဒေသကြီး၊ ထီးလင်းမြို့နယ်၊ မင်းလယ်ကျေးရွာနေ အောင်ကျော်မြင့်(၂၃)နှစ် လိုက်ပါလာသော MDY/6G-XXXX NISSAN ၁၂ ဘီး မော်တော်ယာဉ်သည် တောင်ကြီးမြို့မှ မိတ္ထီလာမြို့ဘက်သို့ မောင်းနှင်လာစဉ် အခင်းဖြစ်နေရာ လမ်းကွေ့အရောက်၌ အရှိန်မထိန်းနိုင်ဘဲ လမ်းယာဘက်ဘေးတွင် အချက်ပြမီးဖွင့်ပြီး ရပ်တန့်၍ လေအိပ်ပြုပြင်နေသည့် MDY-10/4P-XXXX HIGER အမျိုးအစား မှန်လုံမော်တော်ယာဉ်၏ဝဲဘက်ခြမ်းအား တိုက်မိခဲ့ပြီး တောင်ကမ်းပါးနံရံအား ထပ်မံတိုက်မိခဲ့သဖြင့် ဇေယျာအောင်(ခ)ငအောင်တွင် ထိခိုက်ဒဏ်ရာများ ရရှိကာ သေဆုံးသွားခဲ့သောကြောင့် ဇေယျာအောင်(ခ)ငအောင် အား ယင်းမာပင်နယ်မြေရဲစခန်း ယာဉ်(ပ)၅/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။