မန္တလေးတိုင်းဒေသကြီး၊ ပြည်ကြီးတံခွန်မြို့နယ်၌ ငွေကျပ် ၂၀၇ သိန်းတန်ဖိုးရှိ ဘိန်းစိမ်းများ ဖမ်းဆီးရမိ

မန္တလေးတိုင်းဒေသကြီး၊ ပြည်ကြီးတံခွန်မြို့နယ်၌ ငွေကျပ် ၂၀၇ သိန်းတန်ဖိုးရှိ ဘိန်းစိမ်းများ ဖမ်းဆီးရမိ

     ၂၀၂၆ ခုနှစ်၊ မေ ၂၄ ရက် ညနေ ၆ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ တောင်မြင့်ရပ်ကွက်ရှိ အင်းလေးရတနာကားဂိတ်၌ မီနီအိုးဝေဖြင့် တန်ဆာပစ္စည်းလာရောက်ထုတ်ယူသူ အောင်မြေသာစံမြို့နယ်၊ သီရိမာလာ(အနောက်)ရပ်ကွက်နေ ညီညီဝိုင်း(၃၉)နှစ်အား စစ်ဆေးရှာဖွေခဲ့ရာ ၎င်းထုတ်ယူလာသည့် တန်ဆာပစ္စည်း အင်္ဂတေမီးဖိုများအတွင်း သိုဝှက်ထည့်သွင်းထားသည့် ဘိန်းစိမ်း ၂၃ ကီလို (တစ်ကီလိုလျှင် ငွေကျပ် ၉ သိန်းနှုန်းဖြင့် ၎င်းဒေသ ကာလတန်ဖိုး ငွေကျပ် ၂၀၇ သိန်း) အား ဖမ်းဆီးရမိသဖြင့် ညီညီဝိုင်း အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။