မြန်မာ-တရုတ်ချစ်ကြည်ရေးအသင်း(ဗဟို)သို့ ASEAN-China Centre မှ အတွင်းရေးမှူးချုပ် လာရောက်တွေ့ဆုံ

မြန်မာ-တရုတ်ချစ်ကြည်ရေးအသင်း(ဗဟို)သို့ ASEAN-China Centre မှ အတွင်းရေးမှူးချုပ် လာရောက်တွေ့ဆုံ

ရန်ကုန် ဩဂုတ် ၂၄

တရုတ် - အာဆီယံစင်တာ အတွင်းရေးမှူးချုပ် Mr. Shi Zhongjun နှင့်အဖွဲ့သည် မြန်မာ- တရုတ် ချစ်ကြည်ရေးအသင်း (ဗဟို)ရုံး၌ ယနေ့နံနက်ပိုင်းက လာရောက်ကာ ဥက္ကဋ္ဌဦးတင်ဦးနှင့် ဗဟိုအလုပ်အမှုဆောင်အဖွဲ့အားတွေ့ဆုံ၍ ချစ်ကြည်ရေး၊ ပညာရေး၊ လူမှုရေး၊ ပူးပေါင်း ဆောင်ရွက်ရေးဆိုင်ရာ ကိစ္စရပ်များ ဆွေးနွေးခဲ့သည်။

ညှိနှိုင်း ဆွေးနွေးကြရာတွင် တရုတ်နှင့် အာဆီယံနိုင်ငံများအကြား ညှိနှိုင်းဆောင်ရွက်မှုများ၊ တရုတ်ပြည်သူ့သမ္မတနိုင်ငံ၏ အာရှဒေသအတွင်း ဖွံ့ဖြိုးတိုးတက်ရေး မူဝါဒနှင့်ရှေ့လုပ်ငန်းစဉ်များ၊ လက်တွေ့အကောင်အထည်ဖော် ဆောင်ရွက်နေမှုများနှင့် ချစ်ကြည်ရေးအသင်းမှ တစ်ဆင့်လည်း ခရီးသွားလာမှု ဖွံ့ဖြိုးတိုးတက်ရေး၊ စိုက်ပျိုးရေးနည်းပညာများ ပူးပေါင်းဖလှယ်ဆောင်ရွက်ရေး၊ သဘာဝဘေးဒဏ်သင့် ကယ်ဆယ်ရေးလိုအပ်သော နေရာဒေသများ ရေရှည်ထူထောင် ကူညီဆောင် ရွက်ပံ့ပိုးရေးအတွက် သတင်းအချက်အလက်များ ရရှိရေး၊ ဆက်လက်ကူညီဖြည့်ဆည်းရေးကိစ္စရပ်များ ညှိနှိုင်းဆွေးနွေး ဖလှယ်ခဲ့ကြကြောင်း သိရသည်။

သတင်းစဉ်